PENGKHOTBAH 2:13 - Susula Malalaok Hehelu Palak Ma Hehelu Beuk

¹³ Memak, au bubuluk, “Mantee-tenok-ka malole lena neme nggoak-ka mai, sama leo mangale'dok-ka boeo malole lena neme makahatuk-ka mai.

PENGKHOTBAH 2:13 Referans Kwoze

EFESUS 5:8

Makahulu na, emi nai makahatu ka dalek. Tehu besak ia, emi da'di Lamatua ka, hataholi kamahehelen so, da'di emi nai mangale'do ka dalek so. Hu ndia de, emi muse maso'da nai mangale'do ka dalek.

MATEOS 6:23

Tehu metema emi mata ma keluha'bu ka soona, emi ao paa ma makiu-makahatuk. Da'di metema banuk manai emi ao paa ma dalek ndia, makahatuk soona, makahatuk ndia ba'u na seli!”

PENGKHOTBAH 11:7

Le'do haan-na neni ua-nalek namahokok-ka ba'un-na seli metema hapu name'da nitan.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

MAZMUR 119:105

O dede'a-kokolam nde bee-na, banuk ba'eneu au ei nggangganing-nga, ma mangale'dok, fo ana tao mangale'do au enong-nga.

PENGKHOTBAH 9:18

Manatee-tenok-ka masosoa-ndandaak lena neme tafa-sisilo mai, tehu tauk titik esa tao nalutu kapaoe ullek esa.

PENGKHOTBAH 9:16

Da'di, au hahapung-nga la'en nae manatee-tenok-ka lena heni bei-balakaik-ka. Leomae leondiak boe, hataholi nuu-taa hata-taak-ka manatee-tenon-na ta nanataoafik fa. Ta hapu hataholi taoafik neu hala-kokolan fa.

PENGKHOTBAH 7:19

Manatee-tenok-ka tao-na hataholi fo nanuu manatee-tenok-ka aon-na boetai makadelek neme manakoasa 10 nai kota esa.

AMSAL 16:16

Hapu manatee-tenook-ka soona, malolen-na lena heni hapu lilopilas-sa; ma hapu malelak-ka soona, malolen-na lena heni hapu lilofulak-ka.

MAZMUR 119:130

Metema nafa'da mangalele'do O nanolim-ma soona, neni mangale'dok, ma ana fe malelak neu hataholi taidaek-ka.

PENGKHOTBAH 10:10

Metema o felam-ma pa'an fo ta fofola fan soona, o muse maue-male'di no sosota-mamanguk nanseli. Pake o dudu'a-aafi maneum-ma, fo tutu'u makahuluk nai o dalem dale.

AMSAL 14:8

Hataholi manatee-tenok-ka ana bubuluk, tao leo beek fo, muse ana ho'i nakeketuk, tehu hataholi nggoak-ka, nggoan-na ke'di-ndiu-na seluk-kana.