PENGKHOTBAH 12:1 - Susula Malalaok Hehelu Palak Ma Hehelu Beuk

¹ Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

PENGKHOTBAH 12:1 Referans Kwoze

RATAPAN 3:27

malole lenak ata tanoli fo ata da'di manamakatatakak nai lelek bei muli-soluk.

PENGKHOTBAH 11:8

Ela leo been-na, o moke makasi, metema teum-ma popo-tama. Tehu mafandendelek, te leomae o maso'da-mala dook-ka nai daebafak-ka boe, o le'do-faim manai daebafa mamates-sa, doon-na lena seluk bai. Da'di o nau mamahena beek bai? Basa-basan palsuma ma manada'di tak.

AMSAL 22:6

Manoli maso'dak matetu-mandaak-ka eno-dalan, neu ni'iana esa soona losa fai lasin-na te, neukose naso'da leondiak boe.

LUKAS 18:16

Tehu Yesus nalo ni'iana sila la boema nafa'da ana mana tunga nala nae, “Neme na fo ni'iana sila la mai leo Au mai. Boso kena ka'is, nana hataholi matak leo ia kala nde da'di lima eik neme Manetualain hataholi kamahehele nala mai.

MAZMUR 34:11

Singa-la boeo lamala'a, nanahu nana'ak-ka ta dai fa; tehu hataholi fo, manasene-do'ok neu Manetualain-na, ana ta to'a-taa fa.

2 TIMOTIUS 3:15

O muse mafandendelek te, o malelak Susula Malalao ka te, o bei ana ka. Susula Malalaok ndia nde fe o malelak, soaneu o hapu so'da-mole ka tunga o mamahele neu Yesus Kristus.

MAZMUR 90:10

Ami faim maso'dam-ma losa ka'da teuk hituhulu, metema ami balakaik-ka soona, losa teuk faluhulu. Tehu ami hapuk-ka, nde ka'da toto'a-tataak ma doidosok-ka; basa ami maso'da keke'uanam-ma soona, ami sapu-lalo.

PENGKHOTBAH 11:10

Usi heni o dale manafalahaam-ma, ma susa neme o dalem dale mai, nana o fai muli-solum-ma seli no lai-laik.

AMSAL 8:17

Au sue lai sila fo lahik neu au; manasanga au-a, neukose latongo lo au.

2 SEMUEL 19:35

Atam-ma teun faluhulu so, de ta hapu hata esa boen, bisa neni fe atam-ma namahokok so'on. Atam-ma, na'a-ninu nana'a-nininuk-kala, ta hapu la'dan-na so'on, ma atam-ma ta hapu namanene hataholi-la lakamee so'on. Neukose, atam-ma ka'da neni lelepa mabela fe Ama Manek.

SEMUEL SUSULAK-KA ESAN-NA 2:26

Nasafalin-na, Semuel, fo ni'iana ndia, boetai namatuak-ka, ma boetai lahiik-kana, nau Manetualain, do basa hataholi-la boe.

KEJADIAN 39:2

Manetualain tulu-fali Yusuf, nalosa ana hapu buna-boak tataasesa nai ue-le'din na dalek. Ana leo nai Tuan na, fo hataholi Masir ndia uman.

LUKAS 1:15

Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

KEJADIAN 39:23

Malanga bui ndia ta nanea basa hata lala'en fo nanafek neu Yusuf so'on, nanahu Manetualain tulu-falin, nalosa ana hapu buna-boan nai basa ue-osan lala'en-na dalek.

EFESUS 6:4

Tolano-tolanook fo manda'di ama kala lemin! Boso tao lupa-lupa kala mo ana mala, nalosa lamanasa. Dede'a nasafali na nae, tao mamatua dale nala no malole na, ma manolis Lamatua ka nanoli-nafa'dan.

DANIAL 1:17

Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.

YESAYA 26:8

Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

SEMUEL SUSULAK-KA ESAN-NA 2:18

Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.

1RAJA-RAJA 18:12

Metema au la'o eme ia mai soona, neukose Manetualain Dula dalen-na fafa'kama no Ama leo mamanak fo au ta bubuluk-kana fa! Ma metema au afa'da Ahab-pae Ama nai ia, fo ta natongon-no Ama fa soona, taoleo bee o neukose ana taonisa au. Fo ela Ama bubuluk, te au ia te'e-te'e hule-haladoi neu Manetualain neme au bei anang-nga mai!

SEMUEL SUSULAK-KA ESAN-NA 1:28

ma hu ndia de, au fe ni'iana ia, fo ana da'di Manetualain nuun losa maten.” Basa ndia boema, ala lakaluku-lakatele neu Manetualain.

HOSEA 7:9

Ta lame'da lae, hu ka nde ala da'di esa loo leoina sila-la, de mopo be'i-balakain-nala so. Sila so'da mate'en-na sanga deka ndia so, tehu ala ta bubuluk-kana fa.

AYUB 30:2

Sila sosoa-ndandaan ta, ba'eneu au, nanahu be'i-balakain-nala ta so.

1RAJA-RAJA 14:13

Basa laun Israel-la lala'en-na, neukose ala susa ma latoi-latonon. Ni'iana ndia nde Yerobeam teidalen-na mesa-mesak-kana nde neukose latoi-latonon no ha'da-holomata, nana ka'da ndia mesak-kana nde nandaa no Amak fo Israel Manetualain dalen-na.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

MAZMUR 63:6

No eeki-natadalek, au koa-kio O, nana O tao mamahoko au samaneng-nga, sama leo nenik nana'a mala'da.

MAZMUR 119:55

Ou Manetualain, nai fai le'odaen-na, au afandele O, de au ho'u ahele O hoholo-lalanem.

PENGKHOTBAH 11:2

Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

2 SEMUEL 19:36

Atam-ma, ta nandaa sipo ngga'di ba'u-ba'u basa ndia fa. Atam-ma, nahiik ka'da tunga Ama Manek, nggani eik de'ubee mesan, neme Lee Yarden-na selik mai.