PENGKHOTBAH 11:5 - Susula Malalaok Hehelu Palak Ma Hehelu Beuk

⁵ Manetualain tao basa-basan lala'en-na, ma hataholi daebafak-ka ta bisa nalelak nakeketun-na fa; leondiak boe ta nalelak so'da beuk-ka momoli-dada'din nai inak esa ilun dale fa.

PENGKHOTBAH 11:5 Referans Kwoze

YOHANIS 3:8

Ani na, ana hii leo bee neu soona, ka'da neu-neu mesan, fo ita tamanene ka'da ngguu na, tehu ita ta bubuluk neme bee mai, fo ana leo bee neu a fa. Leondiak boe, no hataholi fo nanabongik neme Manetualain Dula Dale na mai.”

MAZMUR 92:5

Nana O tatao-nono'im tao namahoko au daleng-nga, au akamee no namahokok, nanahu O tatao-nono'im.

PENGKHOTBAH 8:17

ita ta bisa talelak Manetualain nakeketun-na fa. Ita sanga enok tao leo beek boeo, ita ta hapu talelak-kana makandondook fa. Hataholi dodole maneu-a manaku nae nalelak-kana, tehu tunga ndoon-na, ta nalelak-kana fa.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

YESAYA 40:28

Masa bole, o ta bubuluk, ma ta mamanene fa? Amak-ka nde, Manetualain fo, manaketu-basa taak-ka, fo mana makadada'dik daebafak-ka lala'en-na. Ana ta sota-mangu nita fa; hataholi daebafak, ta hapu neuk nala dudu'a-aafin fa.

MAZMUR 104:24

O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

PENGKHOTBAH 7:24

See hapu natongo no maso'dak ia sosoa-ndandaan? Deman-na seli soaneu hapu talelak-kana!

MAZMUR 40:5

Maua-manalek ba'eneu hataholi fo, namahele neu Manetualain, fo ana ta tunga sene-do'ok neu lamatua daebafak-kala, do noke tutulu-fafalik neme hataholi manakaoa-ndaeaok-ka mai fa.

AYUB 38:4

Lelek Au akadada'dik daebafak ia, te o so do beik? Metema, memak o malelam-ma ba'uk soona, mataa leona!

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 5:9

Manetualain tao tatao-nono'i matuaina-la, de ita ta hapu dodoo-tala fan, Ana tao manada'di beuk-kala, ta hapu leke-na dede'un-na fa, ma ta basa fan.

PENGKHOTBAH 1:6

Anin-na fuu leo kona neu, boema ana fuu leo kii neu; ana puta neu mai, boema ana fali seluk.

PENGKHOTBAH 1:13

Au daleng-nga kisak soaneu palisak matalolole ma anoli no dudu'a-aafi manatee-tenok neu basa hata lala'en fo ana da'di nai daebafak ia. Ua-nalek fo Manetualain sadian ba'eneu ita, te'e-te'e neni dale he'dik.

PENGKHOTBAH 3:10

Au bubuluk ae Manetualain fe lelepa mabela neu ita.

PENGKHOTBAH 3:11

Naketu basa hata lala'en-na nandaa no fain-na. Ana fe ita dalek fo nahiik soaneu bubuluk fai manamaik-ka, tehu ita ta tabe'i soaneu talelak Manetualain tatao-nono'in neme makasososan losa mate'en-na.

PENGKHOTBAH 11:4

See nahani losa anin-na nakama'a ma lalai namaneu, soona neukose ana ta sele-nggali fo ana ta ketu-kolu buna-boan fa.