PENGKHOTBAH 11:2 - Susula Malalaok Hehelu Palak Ma Hehelu Beuk

² Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

PENGKHOTBAH 11:2 Referans Kwoze

AMSAL 6:16

Manetualain ta hii dede'ak hitu fa, de Ana ta bisa po'ilotak-kana fa: Heheo-hihiluk fo, manakoa-ndaeaok-ka, bafak fo, masapepeko-masandandalik-ka, limak fo, manatao nisa hataholi sala taak-ka, dodolek fo, manatutu'u hata mangalauk-ka, eik fo, lai-lai neu leo mangalauk-ka neu, sakasii fo, nasapepeko-nasandandali nakandondoo henin, ma hataholi fo, nakadada'dik musu nai nonoon-nala dalek.

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

AYUB 5:19

Metema, soe-a mai soona, o nanasoi-tefak tataas esa.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

IBRANI 13:3

Mafandendelek leona te, hataholi manai bui dale la, nono'ka bai emi boeo nai bui dale sama-sama mos. Ma hataholi-hataholi fo ala tao su'dibebe'i ka lo sala, ela leo bee na emi mafandeles, nono'ka bai ala tao emi leondiak boe.

EFESUS 5:16

Pake matalolole o fai loam lala'ena, nana le'do-fai besak ia nde bee na, le'do-fai mangalauk.

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.

LUKAS 17:4

Metema faik esa nasala-nasingo neu o la'i hitu, boema tunga faik ana mai fo nafa'da o nae, ‘Au oke ampon,’ soona fe do'o do ampon neun.”

MATEOS 18:22

Boema Yesus naen nae, “Ta, ta losa ka'da la'i hitu fa, tehu la'i hitu hulu la'i hitu!

MATEOS 5:42

Metema hataholi neu noke emi hata esa, soona fen leona. Boema metema hataholi noke tona emi hatam esa, soona fen.”

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.

ESTER 9:19

Hu ndia de, hataholi Yahudi fo manaleo nai kota anak-kala, ala tao bula Adar-ra fain 14, da'di fai nasanene'dak, da'di leo fai namahokok, faik soaneu feta-dote, boema esa fe esa bua palsen, nalupa nana'a-nininuk.

NEHEMIA 8:10

Besak ia, fali me'um-ma leona; mi'a-minu no namahokok. Fe emi nana'a-nininum ma emi angol-la seli leo hataholi manato'a-taak-ka. Faik ia, fai hehelik ba'eneu ita Manetualain-na, da'di boso dale he'di. Namahokok fo Manetualain fen neu emi-a, neukose natetea-nahehele emi.”

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

PENGKHOTBAH 11:3

Ai ndia tu'u leo bee neu boeo, neukose ndook-ndoo nahele nai mamanak fo ana tu'u neu. Metema ko'as-sa nggeok nanseli soona, u'da matuaina boeo, ana mai leo daebafak-ka mai.

PENGKHOTBAH 11:8

Ela leo been-na, o moke makasi, metema teum-ma popo-tama. Tehu mafandendelek, te leomae o maso'da-mala dook-ka nai daebafak-ka boe, o le'do-faim manai daebafa mamates-sa, doon-na lena seluk bai. Da'di o nau mamahena beek bai? Basa-basan palsuma ma manada'di tak.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

SEMUEL SUSULAK-KA ESAN-NA 25:8

So'ba matane mitak-kasa, te tao leo bee-o, neukose ala ta lalelesi dede'ak ndia fa. Hu ndia de, au amahena, fo ela o sipok au solda'dung-ngala no malole nai o umam, nanahu ami mai la'e, fai matua ia. Boeo, fe o atam ia-la, ma au, Dauk fo o tia-lai malolem-ma, su'di beek fo, o mahiik fen tunga o dale hihiim-ma.”