PENGKHOTBAH 10:8 - Susula Malalaok Hehelu Palak Ma Hehelu Beuk

⁸ See kali bolok soona, neukose ana tu'da seluk leo dalek neu; see hona nakalulutuk papala nanadamak-ka soona, neukose menge malasok-ka kan.

PENGKHOTBAH 10:8 Referans Kwoze

AMSAL 26:27

See kali bolok soaneu hataholi fe'ek soona, neukose ana kosik leo dalek neu. See loli batu, fo ela tuni la'e hataholi fe'ek soona, neukose batu ndia, tuni la'e seluk-kana.

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

AMOS 9:3

Metema ala ke'ke nai Lete Karmel-la poin-na soona neukose, Au sangas fo Au ho'u-alas. Metema ala ke'ke nai tasi buin-na, soona neukose Au paleta menge matuaina fo ana kaa nalas.

AMOS 5:19

Heo-hilun sama leo hataholi fo nalai neme singa mai, tehu natongo no meoasu-a. Do sama leo, hataholi fo ne'un leo uma neu, de ana to'ba liman-na neu uma papala nanadaman-na, boema menge kaan!

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

HAKIM-HAKIM 9:5

boema, leu leo aman nggolo-ta'dun nai Ofra. Ala losa naa boema, ana taonisa tolanoo ka hituhulun sila-la, nai batu esa lain. Tehu, ana ta taonisa Yotam, fo Gideon ana mate'a teisu'un-na fa, nanahu nalai neu ke'ke.

2 SEMUEL 18:15

Basa boema, Yoab solda'dun sanahulu fepa-li'un, de ala taolisan.

MAZMUR 57:6

Ou Manetualain, matu'du O matua-mademam nai lalai, ma O mandela-masa'am nai daebafak-ka lala'ena.

AMSAL 11:6

Hataholi manatao tunga ndoon-na, naso'da, nanahu dale ndoo-na; hataholi fo ta hapu nananamahelek fa, ana kosik nanahu tenepetan-na

PENGKHOTBAH 10:9

See naue-nale'di nai mamana kali batu soona, neukose lapuka langak fo lakahina. See bia ai soona, nau do ta nau fa, nakahina.