PENGKHOTBAH 1:16 - Susula Malalaok Hehelu Palak Ma Hehelu Beuk

¹⁶ Au dodoo ae, “Au ia da'di hataholi nanapaluuk ma manatee-tenok, de au manatee-tenok lena heni basa manapaleta manai Yerusalem te au beita. Au anuu malelak makadotok”.

PENGKHOTBAH 1:16 Referans Kwoze

PENGKHOTBAH 2:9

Tete'ek-ka, au ba'u lena neme su'di see fo ala leo hai neme Yerusalem so, ma au manatee-tenong-nga boeo, nai uluk nahele.

1RAJA-RAJA 4:30

Nai nusak dulu la ma nai Masir ta hapu hataholi malela na lena fan.

1RAJA-RAJA 10:7

Makahulun-na au ta nau amahele fa, tehu lelek au mai de au ita basa-basan nenik au mata nga, besak-ka au amahele. Tunga ndoon-na basa hata lala'en fo au amanenen sila-la, beita ba'e duak neme hata fo au itan besak ia fa. Te se'kona Tuan manatee tenon-na, ma su'i-beten ba'ulena nanseli neme lafa'dan neu au.

IBRANI 5:14

Nana'a-nininu balakai ka nde bee na, soaneu hataholi touinak a nana nanuu malela ba'u fo ana hapu mete kofe'ek, bee ka nde malole, ma bee ka nde mangalau ka.

MAZMUR 4:4

Bubuluk leona, te Manetualain hele basa, ba'eneu aoinan-na, hataholi esa fo, Ana sue-lain so. Manetualain namanene metema, au aloo bou-bou neun.

2TAWARIKH 2:12

Kokoa-kikiok neu Israel Manetualain fo Manamakadada'dik lalai ma daebafak-ka! Ana fe Dauk ana manek esa manatee tenok nanseli baite dodole da'uk, ma malelak, de besak ia ana bei sanga enok fo napadedeik uma esa ba'eneu Manetualain ma ba'eneu ndia uma manen-na.

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

YEREMIA 22:14

Soe boe ba'eneu hataholi fo nafa'da nae, “Neukose au apadedeik uma manek fo matuaina no kama matuaina losa lain,” boema nai uma manek ndia ana taon-na jendela no bingke nala neme ai kaiyou Libanon, ma lose dama pilas neun.

MAZMUR 77:6

Au dudu'a-dodoo, fai-fai maneuk-kala, au afandendele, ma au tai-dodoo teu-teuk maneuk-kala.

2RAJA-RAJA 5:20

Gehazi, fo Elisa atan-na, doo-doo nae, “Ah, tao le'e de, po'ilotak-kana la'o, te ana ta bae fa? Tunga ndoon-na, au tuang-nga muse sipo hataholi Siria ndia buan-na! No Manetualain, fo maso'dak-ka na'den-na, au muse usi tungan, fo au hapu hata esa neme hataholi ndia mai!”

1RAJA-RAJA 5:9

Neukose au hataholing-ngala lakona ai sila-la neme Libanon leo tasi dale neu. Losa ndia soona ala pa'a lakabubua ai momolak sila-la da'di ofaanak fo lii nenis tunga tasi su'u na leo Tuan mamanan-na neu. Losa naa soona, ala se'iheni ofaanak sila-la fo ala fes leo Tuan hataholin-nala fo launu matalololes. Au oke Tuan, fo ela Tuan sadia nana'ak soaneu hataholi-hataholi fo manai au uma mane nga.”

PENGKHOTBAH 2:1

Au aketu basa fo au akatetesak au daleng-nga, soaneu bubuluk tetu-temak ndia leo beek. Te se'kona, ndia boeo manada'di taak.

PENGKHOTBAH 2:15

Boema au dodoo ae, “Ua-nalek fo manatuni-na hataholi nggoak-ka, neukose au la'o la'din boe. Da'di, au manatee-tenong lala'en-na, sosoa-ndandaan-na beek?” Boema au ho'i nakeketuk ae manatee-tenok ndia, memak sosoa-ndandaan ta makandondook.

PENGKHOTBAH 3:17

Au dale dodoong-nga, neukose Manetualain naketu-nala'di, nau hataholi malole do hataholi mangalauk boe, nana nai de'deak lala'en-na, ma tatao-nono'ik lala'en-na, neukose ala da'di nai faik fo Manetualain naketuk-ka.