NINITAK 8:5 - Susula Malalaok Hehelu Palak Ma Hehelu Beuk

⁵ Basa boema, ata nusa so'dak ndia ho'i na mango tutunu boominik ndia de, ana ho'i ha'i manai mei tutunu-hohotuk ndia lai na de, ana taon leo dalek neu, boema ana tapan leo daebafa ka neu. Tutika ta'ta sa boeo nata'ta lain, ma ndela sa tuti-nato, boema dae manggengo ka da'di.

NINITAK 8:5 Referans Kwoze

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

NINITAK 4:5

Ndela sa nandela neme kandela manek ndia mai, ma ta'tas a nata'ta nakadedelek. Ma nai kandela manek ndia mata na, hapu obor manapilak hitu; fondia nde Manetualain Dula Dale kahitu nala.

HATAHOLI 16:26

No kaiboboianak, dae nanggengo matuaina, de nalosa uma bui nanggengo. Boema lelesu bui a basa-basas latahuka, ma namosina nanapa'ak neu hataholi bui la bukahenis.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

MAZMUR 18:13

Ko'as, u'da eis, ma ha'i-a, ala kalua leme ndelas manai matan-na mai.

IMAMAT 16:12

muse ana ho'in-na, mamana ha'i-a neme mei tunu-hotuk-ka mai, fo ana tao nahenun nenik ha'ikaa manapila lo'a-lo'ak, ma boomeni sopuk, nafanggetek dua, fo nenin leo Kama Malalao-malalafuk nanseli-a, dalek neu.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 6:12

Boema au ita Bi'ilopo Ana ndia siiba'e segel kane. Dae maggengo matuaina ana da'di. Le'do da'di nggeok sama leo tema nggeo abasela, ma bula ka da'di pilas sama leo daa ka.

HATAHOLI 4:31

Ala hule-haladoi basa boema lakabubua lai mamana ka, nanggengo. Boema Manetualain Dula Dale na koasa na basa-basas de ala mulai kokolak no napalanik nanseli la'eneu halak maneme Manetualai na mai a.

LUKAS 12:49

“Au mai soaneu akadada'dik ha'i na'a ka nai daebafak ia. Malole na seli metema ha'i na pila so!

MATEOS 24:7

Neukose leoina esa natati no leoina esa, ma dedeo esa natati no dedeo esa, neukose la'a-ndoe sa nai basa mamanak lala'ena, ma dae manggengo ka ana da'di.

YESAYA 66:6

Mamanene! Te hapu hala makalupuk nai kota; hapu halak neme Au Umang mai; ndia nde Au halang fo, balas musu-a!

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

1RAJA-RAJA 19:11

Manetualain nafa'dan nae, “Kalua meme leak ndia dalek mai leon, fo mapadeik masale leo Au mai, nai letek lain.” Boema Manetualain tunga ndia, fo ani matuainan-nakahuluk, nalosa heaba'e pupukuk kala ma lete batu la hea ba'es. Tehu Manetualain ta natu'du aoinan-na nai anin ndia dalek fa. Lelek anin ndia nakamate, boema dae manggengo ka da'di, tehu Manetualain ta natu'du aoinan-na nai dae manggengok ndia dalek boen.

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

KELUARAN 19:16

Nai fai ka telun-na fafaik boema, mangguluk-ka no ta'tas-sa da'di. Ko'a makateina ana da'di nai letek lain, ma lamanene pupuuk-ka liin-na, tanen-na seli. Basa hataholi manai ofu dale-la ala bii, de ala dele beengge'be.

NINITAK 8:3

Ata nusa so'da fe'ek esa nini mango tutunu boominik lilopilas esa ana mai de napadeik neu mei tutunu-hohotu ka mata na. Ala fen boominik makadotok nanseli fo ana po'an neu basa Manetualain hataholi kamahehele nala huhule-haladoin fo ana tunu-hotus nai mei tutunu-hohotu lilopilas manai kandela mane ka mata na.