NINITAK 2:3 - Susula Malalaok Hehelu Palak Ma Hehelu Beuk

³ Emi boeo ta haelai mamanasa ma ta ketu namahehenak, leomae emi doidoso nanahu Au.

NINITAK 2:3 Referans Kwoze

IBRANI 10:36

Paluu emi boso haelai mamanasa, fo ela emi hapu tao-no'i Manetualain hihii-nanaun, ma no enok ndia, emi sipo hata fo Ana helu ka.

IBRANI 12:1

Naa, la'eneu ita mesa tala soona, nai ita boboa-kaisun hapu sakasii makadotok nanseli! Hu ndia de, mai fo ata tu'u-tapaheni basa hata fo ana tao nambela ita, ma basa sala-singok fo lakadita lahele ita. Ma mai fo no te'e-te'ek teu tunga nakasusu'di ka nde ita mata na.

GALATIA 6:9

Hu ndia de, ita boso pela-malua tao-no'i dede'a malole; nanahu metema ita ta hahae tao-no'i dede'ak sila la fa soona, neu faik esa te, neukose ita ketu-kolu buna-boan.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

YOHANIS 15:21

Neukose ala tao emi leondiak, nanahu Au ana manatungang emi, hu ka nde ta lalelak Ndia fo manamadenu Au a fa.

1 KORINTUS 13:7

Nakatatakak nasasale matak no basa hata lala'ena, ma ana nau namahele hataholi fe'ek tatao-nono'i malole na; nai ha'da-tatao leo bee ka boe, hataholi manasue-laik ndia, ta ketu namahehena na nai basa dede'ak lala'ena dalek, ma nahani basa hata lala'ena no ta haelai namanasa fa.

NINITAK 3:10

Emi matea-mahele sama leo Au paleta basan neu emi a. Da'di neukose Au asulu-ahapa emi nai lelek Au so'ba basa hataholi manai daebafa ka ninik toto'a-sosota matuaina.

IBRANI 6:15

Abraham nahani no ta haelai namanasa fa, de ana sipo hata fo Manetualain helu ka.

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.

1 TIMOTIUS 4:10

Hu ndia de, ita sanga enok ma ita puselaipana no tatao-nono'i ka, nana ita tamahena neu Manetualain fo maso'dak ndia; Ndia nde tao naso'da basa hataholi lala'ena, nakalenak ba'eneu hataholi kamahehele kala.

2 TESALONIKA 3:13

Tehu ba'eneu emi soona, emi boso pela-malua tao-no'i tatao-nono'i malole a.

2 KORINTUS 4:16

Hu ndia de, ta ketu ami namahehena ma fa. Leomae tunga ao paa ka soona, boetai nakalulutuk, tehu tunga samane ka soona, ami nanatao nabebeuk tunga faik.

2 KORINTUS 4:1

Ami ho'u ue-le'dis ia nanahu Manetualain dale malole na. Hu ndia de ta ketu ami namahehena ma fa.

ROMA 12:12

Ela leo bee na mamahena neu ka'da Lamatua ka no namahokok, boso haelai mamanasa nai toto'a-tataa ka dalek, ma hule-haladoi mahele.

ROMA 8:25

Tehu metema ita tamahena hata esa, fo ita beita tita fan soona, ata boso haelai tamanasa fo tahani tahele.

LUKAS 14:27

Hataholi fo ana ta nau lu'a ainggange na fo ana tunga Au fa soona, ana ta hapu da'di Au ana manatungang fa.

MAZMUR 37:7

Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

2 PETRUS 1:6

ma fe'ek neme malelak ndia mai, emi boeo, muse paleta ma emi ao ina ma. Fe'ek neme paleta ao ina ka mai, ela leo bee na emi boeo, makatatakak nai lelek fo, emi masasale matak mo basa hata lala'ena. Ma fe'ek neme nakatatakak nai lelek fo emi masasale matak mo basa hata lala'ena, emi boeo muse maso'da tunga Manetualain hihii-nanaun.

2 KORINTUS 11:23

Metema sila lamatutua-lamadedema ao nala da'dileo Kristus? Malalau-maoonon soona, au lena seluk bai. Meten soona au samaleo hataholi nggoak nai lelek au afa'da dede'ak ndia. Tehu memak au aue-ale'di sota-mate lena, nasi'a ala tao au leo bui dale neu, la'iba'u ka ala tao la au doidoso ma nasi'a hihii nae mate au.

2 KORINTUS 5:9

Hu ndia de, ami sanga enok te'e-te'e, fo ela ami so'da ma nandaa no Lamatua ka dale na, nau nai lelek fo ami bei leo nai uma manai daebafak ia, do nai lelek fo ami leo nai uma manai nusa so'da ka boe.

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

LUKAS 18:1

Basa ndia boema Yesus tui nakandandaak esa soaneu nanoli ana manatunga nala fo ela ala hule-haladoi tataas esa ma boso ketu namahehe nala.

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

IBRANI 13:13

Hu ndia de mai leona, fo ata teu takaninin nai Pandopo manai sila la dae too na deak, fo tunga nananakamumulu-nakamamaek sama-sama ton.

1 TIMOTIUS 5:17

Mauli-malanga salanik bee metema nakalala'ok bela ba'un no malole soona, nandaa ana hapu ha'da-holomata, diku la'i dua, lena-lenak, hataholi mana manggate tui-benga ma mana manoli-mafa'da ka

2 TESALONIKA 3:8

Ami ta mi'a-minu hiik hataholi nana'a-nininun fa. Te lele'do-le'odaen, ami puse ma titi no ue-le'di sa, fo daenga ami boso tao susa emi esa boen.

2 TESALONIKA 3:5

Ela leo bee na, Lamatua ka hela-nole emi, fo daenga emi boetai malelak Manetualain susue-lalain neu emi a, boema Kristus fe emi be'ibalakaik fo emi hapu makatatakak nai basa dede'ak lala'ena dalek.

1 TESALONIKA 2:9

Lele'do le'odaen, ami puse laipana sanga ami so'da ma. Nana ami ta nau da'di lelepa mabela esa soaneu su'di see a boen, nai lelek fo ami tao maloloa Hala Malole la'eneu Manetualain neu emi a fa. Ami ule po'dem ndia, tao leo bee o, emi bei mafandendele kana.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

GALATIA 6:2

Ela leo bee na, emi matulu-mafali ao nai hataholi toto'a-tataa na dalek, fo ela no enok ndia de, emi tao tunga Kristus paleta na.

2 KORINTUS 10:15

Ami ta koa-kio ami aoina ma hu ka nde hataholi fe'ek fo manai dae too deak ue-le'din, fo Manetualain naketun basan soaneu ami so. Nasafali na, ami mahele nai dae too fo Manetualain naketun soaneu ami, ma ami mamahena mae emi boetai mamahele neu Kristus, fo ela ami hapu tao tatao-nono'i matuaina seluk nai emi tala'da.

2 KORINTUS 6:5

ami nanafepa-li'uk, ala tao ami leo bui dale meu, ma ala tutu-fepa ami. Ami maue-male'di no ami pusema titi, nasi'a ami ta sungu fa, ma nasi'a basa ami nana'a-nininum.

ROMA 16:12

Manduku-malosak au nate'a nga neu Trifena no Trifosa fo laue-lale'di puselaipana no lalalau-laoono neu Lamatua ka, ma neu Persis fo au sue-lai ka. Ndia boeo, naue-nale'di puselaipana soaneu Lamatua ka so.

LUKAS 21:19

Metema emi makatatakak ma ta haelai mamanasa fa soona, neukose emi maso'da.”

MARKUS 15:21

Ala losa eno tala'dak boema, lakaseti la hataholi esa de ala fen lu'a Yesus ai nggange na. Hataholi ndia, besa ka neme nggolo ka mai, fo ana sanga neu leo kota neu. Hataholi ndia na'de Simon, neme Kirene mai fo Aleksander no Rufus aman.

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

MAZMUR 69:7

Boso po'ilotak au eni mamaek fe hataholi fo namahena neu O, ou Amak, Manetualain Fo Manakoasa. Boso po'ilotak au eni nakadadaek fe hataholi fo, manasene-do'ok neu O, ou Israel Manetualain-na!

1 TESALONIKA 5:12

Tolano-tolanoo ngala lemin! Ami manoli-mafa'da emi, fo daenga emi fe ha'da-holomta neu hataholi mana maue-male'di fe emi, fo nde hataholi fo Lamatua ka hele basas, soaneu lauli-lalanga ma lanoli-lafa'da emi a.

1 KORINTUS 16:16

Au oke te'e-te'e, fo ela emi tunga hataholi leo sila kala hehela-nonolen, boema hataholi fe'ek fo, laue-lale'di leu esa de malalau-maoono moos.

LUKAS 5:5

Simon nataa nae, “Tunggulu, le'odae manalu ia dale na, ami tao-no'i no mahelek, tehu ami ta mala hata esa boen! Tehu hu ka nde Tunggulu nadenu de malole au tu'u seluk dala neu.”