NINITAK 2:22 - Susula Malalaok Hehelu Palak Ma Hehelu Beuk

²² Mafandendelek leona! Te neukose Au balan neu dae losa namahe'di nai pepe'uk lain. Nai ndia, no hataholi manahohonge lo nana, neukose ala doidoso lanseli. Basa sila la neukose Au tao-no'in besak ia, ta'dafe'e metema ala hahae tao-no'i dede'a mangalau kala sama-sama lon.

NINITAK 2:22 Referans Kwoze

NINITAK 17:2

Mane-mane daebafa kala hohonge lon, ma daebafa ka isi nala da'di manamafuk nanahu linu angol manasosoa-piao na.”

LUKAS 13:5

Ta makandondook! La'iesa seluk Au afa'da: Te metema emi ta tukatei-saledale meme emi sala-singo mala mai fa soona, emi basa-basa mala boeo neukose mopo-mate sama leo hataholi sila la.”

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

NINITAK 18:9

Mane-manek daebafak fo ala tunga nai inak ndia tatao-nono'i manasosoa-piao na ma inak ndia nasa sasaoana na, neukose ala kii ma makaleleu kota ndia, metema lita ha'imasu ka namasu neme ha'i fo manahotu naputu nana.

NINITAK 18:3

Nana basa leoina la linu basa angol nasa-melu manasosoa-piao na so. Mane-mane daebafa kala hohonge lon, ma manadangan manai daebafa ka lamasu'i neme sosoa-piaon fo ta nakatatakak nala fan ndia.”

LUKAS 13:3

Ta makandondook! Tehu mafandendelek leona: te metema emi ta tukatei-saledale meme emi sala-singo mala mai fa soona, neukose emi basa-basa mala boeo mopo-mate sama leo hataholi sila la.

YESKIAL 23:29

Nanahu hataholi sila-la ta lahiik loo o fa, de neukose ala loso-la basa o tutunga-sasangam lala'en-na. Neukose ala la'oela o da'di leo ina manasosoa-piao makaholak, fo o da'di bua nanananiluk nai lea matan. O nasa sasaoana manafo'am-ma, ma o manasosoa-piaom-ma nde

ZEFANYA 3:7

Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

NINITAK 2:5

Hu ndia de, mafandendelek leona te, emi tu'da meu nai doo ka so! Tukatei-saledale meme emi sala-singo mala ma tao-no'i hata fo makahulu na emi tao-no'in nana. Metema ta soona, neukose Au ne'i fo Au fe'aheni emi banu eim sila la neme mamana nala mai.