NINITAK 15:3 - Susula Malalaok Hehelu Palak Ma Hehelu Beuk

³ Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

NINITAK 15:3 Referans Kwoze

MAZMUR 111:2

Tete'ek-ka, Manetualain tatao-nono'in matabeuk, nandaa, hataholi fo lahiik-kana, ala palisak matalololen.

MAZMUR 139:14

Au koa-kio O, nana au anseli! O tatao-nono'im lala'ena, mata beuk, ma dodoo doak-kana, te'e-te'e, au ame'da itan.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

IBRANI 3:5

Musa lilineka da'dileo hataholi malalau-maoono nai Manetualain Uman ma nanduku-nalosak dede'a-dede'ak, fo neukose Manetualain nafa'dan nai fai manamai kala.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

MAZMUR 100:5

Nana Manetualain malole; susue-lalain losa dodoon-na, ma lilinekan, neme bobongik leo bobongik neu.

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”

NINITAK 14:3

Nai kandela mane ka matan ma mahahae kaha kala boema lasi-lasik manai kandela ndia boboa-kaisun, hataholi lifun natun esa hahuluha sila la lakamee nakamee beuk esa. Ta hapu hataholi esa boen nalelak nakameek ndia fa, ka'da hataholi lifun natun esa hahuluha ila la lalela kana. Hataholi sila nanasoi-tefa basak neme basa laun manai daebafa ka lala'ena mai so.

ULANGAN 31:30

Basa boema, Musa lees nakameek ia, losa mate'en-na, de basa leoina Israel-la lala'en-na, lamanenen.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 11:17

Lafa'da lae, “Manetualain Fo Mana Koasa, fo nai, ma nai ia so! Ami moke makasi neu O, nana O pake basa O koasa matuaina ma, de O mulai paleta so!

NINITAK 4:8

Mahahae kahak sila la esa soona, li'dan ne, boema nai boboa-kaisun ma nai dalek henuk no matak. Lele'do-le'odaen mahahaek sila la ta hahae lakamee lae, “Malalaok, malalaok, Manetualain malalaok, Manetualain Mana Koasa; fo nai ia, nai ia so, ma nai ia losa doo na.”

DANIAL 6:20

Lolebalahak boema, manek-ka fo'a, de neu lai-lai leo singa-la lean-na neu.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

MAZMUR 145:6

Ala tui-benga O tatao-nono'i matuainam-ma, neukose au tui O matua-mademam.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

ZEFANYA 3:5

Tehu Manetualain bei nai kota ndia. Ana tao hata ndoos-sa tataas esa, ma Ana beita tao hata masalak fa. Tunga-tunga fafain-na, tao leo bee-o, Ana fe ndoos ma matetuk-ka neu anan-nala. Tehu hataholi fo ta nalelak eno ndoos ma matetuk manai kota ndia fa, ana tao nahele tatao-nono'i mangalauk-ka, no ta nalelak bibii-mamaek fa.

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

MAZMUR 105:5

Hai atan Abraham, tititi-nonosin-nala, ma Yakob, fo hataholi hehelen-na, tititi-nonosin-nala, mafandendelek Ana tao basa manada'di beuk-kala, boso mafandele heni nakeketun-nala.

MAZMUR 78:12

Nai sila bei-ba'i kain-nala matan, Manetualain tao manada'di beuk-kala, neme nusa Masir-ra, fo nai masadokek Zoan-na.

AYUB 5:9

Manetualain tao tatao-nono'i matuaina-la, de ita ta hapu dodoo-tala fan, Ana tao manada'di beuk-kala, ta hapu leke-na dede'un-na fa, ma ta basa fan.

2TAWARIKH 24:6

Hu ndia de namoo Imam Yoyada, fo sila mauli-malangan-na, boema nae, “Ade Musa fo Manetualain atan-na ta nadenu laun-na bae bea soaneu Manetualain Uman-na tao nahii-na fa do? Besak ia, tao le'e de Ama ta makaseti hataholi Lewi sila-la fo leu susu bea neme laun manai Yehuda ma Yerusalem-mala mai fa?” (

1 TAWARIKH 6:49

Harun no tititi-nonosin bela-ba'un nde tunu boomenik, tunu-hotu tutunu-hohotuk nanatunuk nai mei tunu-hotuk lain, tao basa feta mata-matak lala'en-na nai Kama Malalao-malalafuk nanseli-a, ma tunu-hotu tutunu-hohotuk soaneu fe do'o do ampon neu hataholi Israel-la sala-singon. Ala tao basa sila-la, nandaa no natutu'duk-natutu'duk fo Manetualain atan Musa fek-ka.

NINITAK 14:8

Ata nusa so'da kadua tunga ata nusa so'da kaesa boema nalo bou-bou nae, Ana tu'u neu so. Kota Babel matuaina tu'u neu so. Kota ndia tao na basa leoina lala'ena mafuk angol, fo angol neme nasa manasosoa-piao na mai.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

NEHEMIA 9:14

Muse ala tao Fai Sabat fo malalao-malalafuk-ka, ma O fe O hoholo-lalanem tunga Musa.

ULANGAN 34:5

Boema, mate Manetualain atan Musa neme dae Moab-pa, sama leo hala nafa'da makahulun-na.

ULANGAN 32:3

Neukose, au koa-kio Manetualain na'den-na. Tui-benga ita Manetualain matua-mademan!

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

AYUB 36:24

Ndia nanakoa-nanakiok tataas esa, hu kande tatao-nono'in, de o boeo, muse so'u laik-kana.

MAZMUR 18:30

O fe au be'i-balakaik soaneu tao akalulutuk musu-a; no au Manetualaing-nga tutulu-fafalin de au hona abuu, sila kota musun-na.

MAZMUR 92:5

Nana O tatao-nono'im tao namahoko au daleng-nga, au akamee no namahokok, nanahu O tatao-nono'im.

MAZMUR 111:7

Manetualain ndoos ma matetuk, ma manalilinekak, nai tatao-nono'in lala'ena dalek, ma paletan lala'ena, hapu nananamahelek.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

NINITAK 1:8

Manetualain nae, “Au nde Alfa ma Omega, fo makasososak ma fo mate'ek”. Au nde Manetualain fo manakoasa, fo nai ia, ma nai ia so, boema nai ia nakandondoo henin.