NEHEMIA 9:34 - Susula Malalaok Hehelu Palak Ma Hehelu Beuk

³⁴ Ami bei-ba'i kaim, manek, imam, ma basa lasi-lasik-kala, la'o lena O hoholo-lalanem boema ami heheta-aa'in. O fe basa paleta ma hala kaka'ik lala'en-na ma ta nanataoafik, boeo ta nananamanenek fa.

NEHEMIA 9:34 Referans Kwoze

YEREMIA 29:19

Basa sila-la da'di neus, nanahu ala ta nau tunga Au hala-haituang-nga, fo Au anduku-alosak-kana neu sila tatas esa tunga basa nabi-la ma basa Au atang-ngala. Tehu ala ta nau tao afik neu Au hala-haituang ndia fa.

2RAJA-RAJA 17:13

Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

NEHEMIA 9:35

O fe basa manek fo manapaleta O anam-mala, nai lelek ala leo nai dae maloaina ma maoe-maisi. Tehu ala ta nau la'o ela so'da mangalaun-nala fa, ala ta nau fe so'dan-nala neu O, boema ala ta nau sene-do'ok fa.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

2TAWARIKH 29:6

Ita bei-ba'i kain-nala ta lilineka neu ita Manetualain fa, de ala tao hata fo ta nandaa no dalen-na fa. Ala ta taoafik neu fan, ma ala ta lafaduli mamana leleo-na fa.

EZRA 9:10

Tehu besak ia, ou Manetualain, basa manada'dik ia soona, ami bisa mafa'da mae le'e? Ami ta tao tunga O paletam

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YESKIAL 5:6

Tehu, Yerusalem ta sipok Au paletang-nga fa, te se'kona ndia mangalaun-na lenaheni leoina fe'ek-kala, lena-lenak langabatun-na lenaheni basa nusaina manai boboa-kaisun-na. Yerusalem la'olena Au paletang-ngala, ma ana ta nau tunga Au hoholo-lalaneng fa.”

DANIAL 9:6

Ami ta mamanene O atam fo nde nabi sila-la fa, ala kokolak basa nenik O na'dem-ma neu ami manem-mala, basa mauli-malangan-nala, basa ami bei-ba'i kaim-mala ma neu ami laoinam lala'en-na.