NEHEMIA 9:29 - Susula Malalaok Hehelu Palak Ma Hehelu Beuk

²⁹ O fes nasanene'dak, fo ela ala tunga O nanolim-ma, Tehu no koao-ndaeaok, ala ta sipok O hoholo-lalanem fa. Te se'kona, metema ala tao tunga O hoholo-lalanem soona, tao leo bee-o, neukose so'dan-nala da'di malole. Sila langa batuk ma dale matea, ta nau lamanene, ta nau tunga fa.

NEHEMIA 9:29 Referans Kwoze

NEHEMIA 9:16

Tehu ami bei-ba'i kaim koao-ndaeao ma latea dalen-nala; ala ta tao tunga O paletam-mala fa.

IMAMAT 18:5

Tunga Au fe emi nakanenetek ma hoholo-lalanek-kala. Metema, emi tao leondiak soona, emi maso'da. Au nde Manetualain-na.”

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

NEHEMIA 9:10

O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

HOSEA 6:5

Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

YEREMIA 43:2

Boema Azarya fo Hosaya anan-na, ma Yohanan fo Kareah anan-na no basa hataholi fe'ek fo manakoao-ndaeaok sila-la lafa'da neu au lae, “O masapepeko-masandandali. Ami Amam Manetualaim-ma ta nadenu o kena-ka'i ami soaneu meu lo Masir fa.

GALATIA 3:12

Tehu agama hoholo-lalanen, ta nangatuuk nai namahehele ka fa. Nai Susula Malalaok dale nanasulak nae, hataholi mana tunga agama hoholo-lalane na, neukose naso'da, hu ka nde hoholo-lalanek ndia.

ROMA 10:5

Musa sulak nae, hataholi a malole falik no Manetualain tunga agama hoholo-lalanen soona, neukose hataholi ndia naso'da nanahu ana tao tunga agama hoholo-lalanen ndia.

LUKAS 10:28

Yesus nae, “O natataam ndia la'en. Tao-no'in leona, soona neukose o maso'da.”

DANIAL 5:20

Tehu nai lelek ana koao-ndaeao, langa batu ma ana tao hataholi no dale susue-lalai tak boema, nanaloli henik neme kandela manen lain mai, nalosa mopo ndela-sa'an.

YESKIAL 20:11

Nai naa, Au fes Au paletang-ngala, ma Au anolis, Au hoholo-lalaneng fo, ala muse tungan, nana hataholi manatao tungan-na, neukose naso'da nahele.

YEREMIA 44:10

Tehu losa faik ia emi tanau makaloloe-makadadae emi aopam-mala fa. Emi ta nau fe ha'da-holomata neu Au ma maso'da tunga hoholo-lalanek fo Au fen neu emi ma neu emi bei ba'ikai manamatem-malafa.

YEREMIA 19:15

ae, Manetualain Fo Manakoasa, Fo Israel Manetualain-na nafa'da nae leo ia, “Hu ka nde emi malanga batu ma ta au mamanene fa, de neukose Au uni fe kota ia ma basa nggolo ta'duk manai boboa kaisun-nala, ma susa-soe lala'en-na fo Au dudu'a basas.”

YEREMIA 17:23

Tehu emi bei ba'i-kaim ta nau lamanene do tao afik neu hata fo Au afa'dak fa. Sila lalanga batu, ma ta nau tunga paleta do nafa'da fas.

YEREMIA 7:26

Tehu ta hapu hataholi namanene, do taoafik neu fas. Nakalenak, emi boetai malanga batu, ma mangalauk lena heni emi bei-ba'i kaim-mala.”

2TAWARIKH 36:15

Amak fo sila bei-ba'i kain Manetualain-na, fali-fali Ana haitua nabi-nala soaneu fe nasanene'dak neu anan-nala, nanahu Ana sue-lai sila ma Ana sue-lai Uman-na.

2TAWARIKH 24:19

Manetualain nadenu nabi-la fo leu ka'is, fo ela lamahele falik neu Manetualain, tehu laun-na ta nau lamanene fa.

2RAJA-RAJA 17:13

Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

ULANGAN 4:26

Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

MATEOS 19:17

Boema Yesus nataa nae, “Tao le'e de o matane Au la'eneu hata bee ka nde malole a? Hapu ka'da Esa mesa kana nde malole a. Metema o hii maso'da soona, o muse tao tunga Manetualain paleta nala.”

2TAWARIKH 33:10

Manetualain ka'i Manasye no laun-nala, tehu ala ta nau lamanene fa.

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

NEHEMIA 13:15

Nai tepo-lelek ndia, au ita ae nai fai Sabat-ta, hataholi de'ubee nai Yehuda, ala ka'bi angol. Hapu nggelok seluk bai soona, ala fua gandum, angol, angol boak, kaa boak ma bua-lo'a fe'ek nai keledein-nala lain, de lenis leo Yerusalem neu. Au kena-ka'is fo boso lase'o nai Yerusalem.

YEREMIA 42:19

Boema Au afa'da seluk ae, “Manetualain paleta basa so, fo ela emi fo bei elak manai Yehuda, ta bole meu lo Masir fa. Hundia de, besak ia Au fe emi nasanene'dak

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!

HAKIM-HAKIM 6:10

Au afa'da basa emi, ae Au nde Manetualain fo emi Manetualaim-ma, ma ae emi ta bole sene-do'ok neu leoina Amori, fo besak ia, emi leo nusan-na so, lamatua daebafan-na. Tehu, emi ta nau tunga Au paletang-ngala fa.’ ”

2RAJA-RAJA 17:14

Tehu, Israel ma Yehuda, ta nau lamanene fa. Lalanga batu, sama leo sila bei-ba'ikain-nala, fo ta lemahele neu sila Manetualain fa.