NEHEMIA 8:9 - Susula Malalaok Hehelu Palak Ma Hehelu Beuk

⁹ Lamanene Hoholo-lalanek ndia nanalees boema, laun-na dalen-nala he'dis nanseli, boema ala kii. Boema gobelnol Nehemia ma Imam Ezra fo malelaina nai Hoholo-lalanek ndia, boema hataholi Lewi manamafa'da mangalele'do Hoholo-lalanek ndia, lafa'da laun-na lala'en-na lae leo ia, “Faik ia, fai hehelik ba'eneu Manetualain fo emi Manetualaim-ma, da'di dalem-mala boso he'dis-sa, do kii.

NEHEMIA 8:9 Referans Kwoze

NEHEMIA 7:70

Laun ba'uk-ka fe tutulu-fafalik soaneu tao lamadada'u Manetualain Uman-na tao nahiin-na: neme gobelnol-la: – lilopilas kilo 8 mango feta 50 ba'du manalu imam 530 neme basa mane leo-la mai: lilopilas kilo 168 lilofulak kilo 1.250 neme hataholi fe'ek-kala mai: lilopilas kilo 168 lilofulak kilo 140 ba'du manalu imam 67

NEHEMIA 7:65

Nusa Yudea Gobelnol-la kena-ka'is, fo boso la'a nana'ak fo nanatunu-hotu fen neu Manetualain, losa hapu imam esa, fo noke natutu'duk nenik ana pake Urim ma Tumim.

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

NEHEMIA 8:2

Boema Ezra neni susulak ndia leo nakabuak dale neu, fo nai ndia hapu touk, inak ma ni'iana fo lalelak so.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

PENGKHOTBAH 3:4

Manetualain naketu faik soaneu kii ma faik soaneu hika, faik soaneu makaleleu ma faik soaneu foti-longe,

EZRA 2:63

Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

ROMA 7:9

Makahulu na au ta aso'da o agama hoholo-lalanen fa. Tehu lelek fo agama hoholo-lalanen ana da'di boema, sala-singo ka mulai naso'da falik,

ROMA 3:20

Nana ta hapu hataholi esa boen, hapu enok soaneu malole falik no Manetualain, nanahu hataholi ndia tao-no'i dede'ak manai agama hoholo-lalanen dalek. Nasafali na, hoholo-lalanek ndia, ka'da natu'du hataholi daebafa ka nae, hataholi daebafa ka masala-masingok mesa-mesan.

MALEAKHI 2:13

Ma emi tatao-nono'i fe'em-ma nde ia. Emi tao mahenu Manetualain mei tunu-hotun nenik luuoe; emi kii ma makaleleu, nanahu Manetualain ta nau sipok emi tutunu-hohotuk so'on.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

NEHEMIA 12:26

Hataholi sila laso'da nai Yoyakim fo Yesua anan-na ma Yozadak upun-na tepo-lelen-na, ma nai Gobelnol Nehemia ma Imam Ezra, fo malelaina nai hoholo-lalanek ndia, tepo-lelen-na.

NEHEMIA 10:1

Hataholi manalima lee makasososak-ka nde Gobelnol Nehemia fo Hakhalya anan-na. Basa boema, Zedekia tunga. Basa ndia boema, hataholi-la nde ia boeo ala lima lee fo nde:

EZRA 7:11

Susula teu netek fo, Mane Artahsasta fen leo Ezra, fo imam esa, ma malelaina nai hoholo-lalanek dalek-ka, isin-na nae leo ia

2TAWARIKH 35:3

Hataholi Lewi fo nanahele hehelik soaneu Manetualain, ma manada'di Israel mesen-nala hapu paleta nde ia neme Yosia mai nae, “Tao Manetualain Peti Hehelu-balataan malalao-malalafun ndia leo Dauk amamanen Manek Salomo napadedeik-na Manetualain Uman dale neu. Emi ta bole laliheok-kana so'on. Malalau-maoono emi Manetualain ma leoina Israel-la fo Anan-nala.

2TAWARIKH 34:21

“Meu leona, fo matane neu Manetualain soaneu au ma soaneu hataholi-hataholi fo bei manai Israel ma Yehuda la'eneu susulak ia-la isi-liin. Manetualain namanasa ita nanahu ita bei-ba'i kain-nala ta lakalala'ok paleta fo nanasulak nai susulak ia-la dalek fa.”

2TAWARIKH 34:19

Manek-ka namanene susulak sila-la isi-liin boema, ana sii-sii-lulu'i bua papaken-na nanahu dalen-na he'dis-sa.

2TAWARIKH 30:22

Hataholi Lewi sila-la mauli-malangan malelak nai makaluku-makatele neu Manetualain, nalosa Hizkia koa-kios. Faik hitu dalen-na ala la'a-linu nana'a-nininuk neme feta ndia mai, ma ala tunu-hotu tutunu-hohotuk soaneu loke makasi neu Manetualain, fo sila bei-ba'i kain-nala Manetualain-na,

2TAWARIKH 15:3

Doon-na seli, Israel ta namahele neu Manetualain fo ndoos-sa, ta lanuu hoholo-lalanek fo muse ala tungan, ma ta lanuu imam-imam fo lanoli fas.

2RAJA-RAJA 22:19

o muse masasale dale, ma makaloe-makadae aoinam-ma, nai Au matang. Au fe basa nasanene'da mahelek so, fo huku Yerusalem no laun-nala. Neukose, Au tao kota ndia da'di hata naniluk esa, fo nini bibii-namata'uk, ma neukose Au tao Yerusalem na'den-na, da'di na'de nanasoo-supak. Tehu lelek o mamanene, la'eneu Au fe nasanene'da mahelek ndia boema, o kii ma o sii-sii lulu'i o bua papakem-ma, fo da'di leo ta'du-tana dale he'dik. Au amanene basa o huhule-haladoim so,

2RAJA-RAJA 22:11

Manek-ka namanene susulak sila isi-liin boema, ana sii-sii lulu'i bua papaken-na, nanahu dalen-na he'dis-sa.

ULANGAN 26:14

Au ta u'a tunu-hotuk ndia faaanak boen, nai lelek au falu mamates, do nai lelek au anggenggeo de, au ta leo nai uma dale fa, do au temfei leo mamates neu. Au tunga Manetualain so; basa hata lala'en fo, O paletan neu au-a, au tao la'iesak-kasa so.

YAKOBIS 4:9

Ela leo bee na, emi tuka tei-sale dale no te'e-te'ek ma kikii-makaleleuk; ela leo bee na, emi hihika ma nasafali da'di kikiik, ma emi namahoko ma, nasafali da'di dale he'dik!