NEHEMIA 8:3 - Susula Malalaok Hehelu Palak Ma Hehelu Beuk3 Basa boema Ezra lees fe laun-na Hoholo-lalanek ndia mulai neme fafaik losa le'dohana. Basa-basas lamanene ma ala taoafik besa-besa lon. Gade chapit la |
Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.
Boema basa-basas laketu la faik esa fo latongo seluk. Nai faik ndia, hataholi ba'u ka leu leo Paulus mamana leleo na neu. Neme fafain ndia losa le'donoso, Paulus nafa'da mangalele'dos ma ana tui-benga fes, halak la'eneu tao leo beek fo Manetualain paleta leo Mane ka. Paulus pake Musa ma Nabi la susula na lalane nala fo ana sanga enok, fo daenga lamahele Yesus.
nana hataholi fo mana leo nai Yerusalem mala lo sila mauli-malanga nala ta lame'da fa te, se'kona Hataholi ndia nde mana soi-tefa. Ala ta lalelak nabi la nanolin fo nanalees tunga-tunga fai Saba ta fa, de nalosa ala huku Yesus. Tehu se'ko na no tatao-nono'i leondia ka de ala tao la hata fo nabi la lafa'da ela ka, ana da'di.
Nai hataholi Yahudi-la bula ka hitun-na, hataholi Israel-la esa-esak leo nahele nai kotan-na so. Nai bulak ndia fain esa boema, basa-basas lakabubua nai Yerusalem, fo nai Lelesuina Oe-a matan-na. Ala loke Imam Ezra fo malelaina nai Hoholo-lalanek ndia fo ela ana ho'i neni Susula Hoholo-lalanek fo nde Susula Hoholo-lalanek fo Manetualain fen neu Israel tunga Musa.
Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.