NEHEMIA 6:6 - Susula Malalaok Hehelu Palak Ma Hehelu Beuk

⁶ isin-na nae leo ia: “Gesyem nae hala-hala anin manai leoina titia-tataik ia tete'ek-ka, de lafa'da lae Tolanook-ka ma basa hataholi Yahudi-la tutu'u eno makahatuk, hu ndia de Tolanook-ka tao nahii kota papala nanadaman-na. Boeo nafa'da nae, Tolanook-ka sanga so'u aon da'di mane Yehuda,

NEHEMIA 6:6 Referans Kwoze

NEHEMIA 2:19

Lelek Sanbalat, Tobia, ma Gesyem, fo hataholi Arab ndia, bubuluk ami dale tutu'um ndia boema, ala hika ma hakinonoli ami. Lafa'da lae, “Emi sanga tao beek? Ade emi sanga la'ban manek-ka paletan-na do?”

1 PETRUS 3:16

Tehu emi tao-no'i sila la no nakaloe aok ma ha'da-holomata. Ela leo bee na, emi dale bobongo ana ma ndoos, fo ela metema hataholi nakamumulu-nakamamaek emi, hu ka nde emi so'da ma malole, sama leo hataholi mana tunga Kristu sa, soona neukose hataholi mana makamumulu-makamamaek emi ndia, ana mae.

ROMA 3:8

Boema tao le'e de ita ta bole tafa'da tae, “Malole lenak, ata tao tatao-nono'i mangalauk takandoo, fo daenga tatao-nono'i malole a, ana moli-da'di?” Memak hapu hataholi nakadadaek au ninik nafa'da nae, au kokolak basa ae leondia so. Hataholi matak leondia ka, ndandaa na, Manetualain hukun.

EZRA 4:12

Ela leo been-na, Ama Manek bubuluk, mae hataholi Yahudi, fo mana la'o ela nggolo-nggolo fe'ek manai Ama Manek nusan ia dalek-ka, besak ia, ala leo lahele nai Yerusalem so, de lafofo'a falik kota mangalauk, ma ta manatunga paleta ndia fa. Ala mulai lafofo'a seluk papala nanadaman-nala, ma ta dook-ka so'on te, neukose basa bela-ba'uk ndia so.

2 KORINTUS 6:8

Ami nanafe ha'da-holomata, tehu nananakamumulu-nakamamaek boe; nanakoa-kiok, ma nanafepa-li'uk boe. Leomae ami tao tunga ndo na, ami nanakalaak mana masapepeko-masandandalik.

YOHANIS 19:13

Pilatus namanene dede'ak ndia boema, no Yesus leo deak neu. Boema nangatuuk neu kandela kekee-fufulan lain, fo nai mamana ka na'de, Lantai Batu. Nai dede'a Ibrani dalek soona, na'de Gabata.

LUKAS 23:2

Ala losa ndia boema, ala mulai kalaa kana lae, “Ami hapu ma Hataholi ia tao na lau nala latofa-latalak. Ana dudungu-papau hataholi la fo ala boso bae bea leo Kese la neu, nana nafa'da nae, Ndia nde bee na ami Mane ma, Manek Mana Fe So'dak fo Manetualain helu ka.”

MATEOS 5:11

Maua-manalek neu emi, metema hataholi nakamumulu-nakamamaek emi, ala fepa-li'u emi, ma lakasasa'ek dede'a pepekok neu emi, nanahu Au.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

EZRA 4:15

fo ela Ama Manek madenu hataholi palisak besa-besa no Ama Manek bei-ba'i kain susulan-nala. Te neukose Ama Manek bubuluk neme susulak sila-la isin-na, nae memak kota Yerusalem-ma, nau ka'da la'ban manapaleta, ma neme makahulun-na mai, ana tao nakatutu'dak basa manek-kala ma manakoasa manai propensi-la tataas esa. Susa la'i esak-kana, hela-nole laun-nala. Hu ndia de, kota ndia, nanatao nakalulutuk.

NEHEMIA 6:5

Neu kala'i lima-na boema, Sanbalat ana nadedenun esa mai, de ana fe susula nakadidita tak esa,

NEHEMIA 6:7

ma matu'du basa nabi de'ubee soaneu ala ndo ei Tolanook-ka nai Yerusalem. Tao leo bee-o, neukose hala anin sila-la losa manek-ka. Hu ndia de mai leona fo takokolaok dede'ak ndia.”

NEHEMIA 6:13

Sila dale tutu'un-na nde, fo ela au bii, fo au tunga sila hahapun-na fo daenga au tao sala-singok. No enok ndia, ala hapu loak tao langgenggeo au na'deng-nga, fo hataholi-la kokolak au.