NEHEMIA 4:14 - Susula Malalaok Hehelu Palak Ma Hehelu Beuk

¹⁴ Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

NEHEMIA 4:14 Referans Kwoze

2 SEMUEL 10:12

Matetea-mahehele o dalem-ma! Mai fo tatee-tatati no napalanik, soaneu ita leoinan-na, ma soaneu ita Manetualain kotan-nala. Sa'di leo been-na, Manetualain tao su'di beek fo nahiik-kana.”

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

IBRANI 13:6

Hu ndia de, ita tapalani tafa'da tae, “Au Lamatua nga nde bee na, au manatulu-faling, de au ta bii fa. Hata fo hataholi daebafa ka, hapu tao-no'in neu au?”

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

2TAWARIKH 32:7

“Matetea dalem-mala ma mahele leona; boso bii-mamata'u neu manek Asyur-ra, do neu solda'dun-nala. Ita be'ibalakain ba'ulena ndia be'ibalakain.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

MAZMUR 143:5

Au afandele fai-fai maneuk-kala; ma au dudu'a-dodoo O tatao-nono'im lala'ena, au dodoo-tatai basa O lima tataam-ma.

MAZMUR 66:5

Mai leona, fo mete Manetualain tatao-nono'in, tete'ek-ka, tatao-nono'in matua-madema nai hataholi daebafak-ka tala'da!

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 27:1

Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

AYUB 37:22

Mangale'do manahiik-ka, ana to'da mai, neme kii mai, ma Manetualain mandela-masa'an, taon-na ita tasamanan.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

KELUARAN 14:14

Neukose Manetualain natee-nata'ti nggati emi, de emi pe'daom.”

KELUARAN 14:25

Ana tao nalutu kaleta-la ein-nala, nalosa ala tutulumatak no sosota-mamanguk. Hataholi Masir-ra lafa'da lae, “Manetualain natee-nata'ti nggati hataholi Israel-la, fo la'ban ita. Mai fo talai teme ia mai!”

HAKIM-HAKIM 3:27

Lelek ana losa nusa letelepak Efraim-ma, boema no lai-laik, ana puu pupuuk-ka, fo naloo hataholi Israel-la leu latee-lata'ti. Ala mai boema, nauli-nalangas, de ala kona leme letelepak ndia mai.

DANIAL 11:32

Boema no tipu-daik, neukose manek ndia fufu'di-oo'dok hataholi fo manala'oela agaman-na, fo daenga ala au tulu-falin. Tehu hataholi fo lamahele neu Manetualain-na, neukose lapalani la'ban-nana.

ZAKHARIA 14:3

Boema neukose Manetualain tutulumatak, fo natee-nata'ti la'ban leoina sila-la, sama leo Ana taon nai tepo-lelek makahulun-na.