NEHEMIA 2:4 - Susula Malalaok Hehelu Palak Ma Hehelu Beuk

⁴ Boema manek-ka natane nae, “Da'di, o mahiik beek?” Au hule-haladoi nai au daleng dale neu Manetualain manakoasa nai nusa so'dak-ka,

NEHEMIA 2:4 Referans Kwoze

AMSAL 3:6

Mafandendelek Manetualain nai basa hata lala'en fo o tao-no'ik-ka dalek, soona neukose natu'du fe o, so'dak malole-a eno-dalan.

NEHEMIA 1:4

Au amanene halak ndia boema, au angatuuk de au kii. Tunga faik, au daleng-nga he'dis-sa. Au okaaong akandoo, boema hule-haladoi neu Manetualain ae,

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

NEHEMIA 1:11

Mamanene au huhule-haladoing ma basa O ata fe'e-fe'em fo mananau fe ha'da holomata neu O-a, huhule-halaon-nala. Fe O tutulu-fafalim mai leona, fo ela nai faik ia, O atam ia, hapu dale kasian neme manek-ka mai.” Nai tepo-lelek ndia, au nde manaito-ato manek-ka nininun-na.

MARKUS 10:51

Yesus natanen nae, “O nau Au tao o le'e?” Hataholi pokek ndia nae, “Ama Mesen, au hii au ita.”

1RAJA-RAJA 3:5

Le'odaek ndia boeo, Manetualain natu'du aoinan-na neun nai me'is dale de nafa'da nae, “Salomo, moke hata fo o mahiik-kana leon, te neukose Au o!”

ESTER 7:2

Bei linu-linu loo angol-la, te manek-ka natane seluk Ester nae, “Na, au Ina Maneng-ngonei, O hii beek? Soona mafa'dan leona! Te tao leo bee-o, neukose au fe, leomae o moke au nusang-nga seli boe.”

ESTER 5:6

Nai lelek linu angol, boema manek-ka natane Ester nae, “Besak ia, mafa'da hata fo o mahiik-kana. Hata fo o moken, neukose au fe, leomae au nusang-nga seli boe!”

ESTER 5:3

Basa boema, manek-ka natane nae, “Te beek, au Ina Maneng-ngonei? O nau beek? Mafa'da leona! Leomae o moke au nusang-nga seli boeo, neukose au fe o boe.”

2 SEMUEL 15:31

Lelek Dauk hapu halak nae Ahitofel boeo ana tunga sama-sama nai Absalom nakabua makahatun-na dalek boema, Dauk hule-haladoi nae leo ia, “Ou Manetualain, sa'di leo been-na, fe Ahitofel nanoli-nafa'dan manada'di tak!”

NEHEMIA 2:5

boema au afa'da manek-ka ae, “Metema Ama Manek nau ma nau sipok atam-ma nonoken-na soona, madenu atam-ma neu leo dae Yehuda neu soaneu nafofo'a falik kota fo atam-ma bei-ba'i kain-nala mamana natoi-natonon-nala.”

NEHEMIA 2:20

Boema au ataa ae, “Manetualain fo manakoasa nai nusa so'dak-ka, neukose Ana tao-na ami ue-le'dim nabuna-naboa. Ami nde been-na Ndia atan-nala, de neukose ami mulai mafofo'a. Tehu emi ta manuu hak do pusaka hata esa boen nai Yerusalem fa. Nakalenak metema hataholi kokolak la'eneu Yerusalem soona, neukose ala ta seseik o na'dem-ma fa.”

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

MAZMUR 136:26

Moke makasi neu Manetualain, fo manakoasa lalai-a; susue-lalain manaketu-basa tak, losa dodoon-na.

HATAHOLI 23:19

Boema malanga solda'du ho'u na ni'iana ndia lima na de non mesa kana fe'e de natanen nae, “O sanga mafa'da au beek ndia?”