NEHEMIA 12:1 - Susula Malalaok Hehelu Palak Ma Hehelu Beuk

¹ Basa imam-mala ma hataholi Lewi fo manafali ma'is leme mamana tu'u-tapak mai, sama-sama loo Zerubabel fo Sealtiel anan-na ma loo Imam Matuaina Yesua nde ia:

NEHEMIA 12:1 Referans Kwoze

ZAKHARIA 6:11

Taom-ma bulamolik esa neme sila fe lilopila-lilofulak-kala, fo tao neu Imam Matuaina Yosua, fo Yozadak anan-na, langan-na.

HAGAI 2:2

Manetualain nadenu Hagai, fo ana kokolak no gobelnol Zerubabel-la, Imam Matuaina Yosua, boema laun-nala, fo nanduku-nalosak hala heheluk-ka nde ia, nae,

HAGAI 1:14

Boema, Manetualain nakababale Gobelnol Zerubabel-la, Imam Matuaina Yosua, boema basa hataholi manafali ma'is leme mamana tu'u-tapak mai-a, dalen-nala, fo ela basa-basas lafofo'a Manetualain fo sila Manetualain, Uman-na.

HAGAI 1:12

Basa boema, Zerubabel ma Yosua boema basa hataholi Israel manafali ma'is leme Babel fo mamana tu'u-tapak, ala tunga Hagai dede'a-kokolan; Hagai fo Manetualain hataholi nadedenun ndia. Ala tao hata fo Manetualain paleta neus, nanahu ala bii Manetualain.

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

NEHEMIA 12:10

Imam Matuaina Yesua, tititi-nonosin nde ia: Yesua, Yoyakim, Elyasib, Yoyada.

NEHEMIA 7:7

Sila mauli-malangan-nala nde, Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum ma Baana.

EZRA 5:2

Lamanene nabi ka duak sila-la hala hehelun-na boema, Zerubabel fo Sealtiel anan-na, ma Yesua fo Yozadak anan-na, no lai-laik, ala mulai lafofo'a falik Manetualain Uman manai Yerusalem-ma, de nabi ka duak sila-la tulu-falis.

EZRA 4:2

Hu ndia de, leu latongo loo Zerubabel ma mane leo-la, de lafa'da sila hahapun-na lae, “Fe ami loak, fo ami tunga mafofo'a Manetualain Uman ndia, nana ami boeo sene-do'ok neu tolanook-kala Manetualain-na, sama-na leo tolanook-kala boe. Ami fen tutunu-hohotuk tataas esa ndek Esar-Hadon, fo Asyur manen-na, no ami leo ia mai-a.”

EZRA 3:8

Boema neu hataholi Yahudi-la bula ka dua-na, fo nai lelek hataholi Israel-la fali ma'is leo Yerusalem mai nai teu ka dua-na, boema ala mulai lafofo'a falik Manetualain Uman-na. Zerubabel, Yesua no nonoon fo sila leoina esa, ma basa imam-mala, hataholi Lewi-la, dede'a keke'un-na, basa hataholi nanafoo haik-kala, ala tunga tao bela-ba'uk ndia. Ala hele hataholi Lewi, fo teun duahulu leo lain neu, fo lanea hataholi manalafofo'a Manetualain Uman-na ndia.

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

NEHEMIA 11:36

Hataholi Lewi bubuak de'ubee, makahulun-na ala leo leme nusa Yehuda, ladenus fo ala leo loo hataholi Benyamin-nala.

NEHEMIA 12:2

Imam-mala: Seraya, Yeremia, Ezra, Amarya, Malukh, Hatus, Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia ma Yedaya. Hataholi sila nde been-na malanga imam nai Yesua tepo-lelen-na.