NAHUM 3:14 - Susula Malalaok Hehelu Palak Ma Hehelu Beuk

¹⁴ Ka'da aso oe fo sadia, nai lelek lakahapi-la o, ma tao matea-mahele o kota musum-mala! Aa'i tane fo tao batu bata, ma sadia mamana cetak batu!

NAHUM 3:14 Referans Kwoze

NAHUM 2:1

Hai Niniwe, mamanene leona! Hataholi fo ana nau tao nalutu o-a, ana mai so! Manea o kota musu mala! Manea enok-kala! Maheheleaom fo matee-mata'ti. (

YEREMIA 46:9

Malaik leon-na hai ndala-la lemin! Makababalek ao leon-na hai kaleta-la lemin! Tutulu matak leon-na hai palani tati batu fo mananeni ba'du baba fanak fo maneme Sudan ma Libia-la lemin. Boema emi fo manakou malelak maneme nusak Lidia-la lemin!’ ”

YESAYA 37:25

O boeo, koao mae o kali oedolu, ma o minu nusa dea-la oen-na, ma o mae o solda'dum-mala, ala heheta-aa'i Lee Nil-la losa ma'dan.

YESAYA 8:9

Hai basa leoina-la lemin, Makabubua no nggenggengek leona! Mamanene leon, hai daebafak-ka pe'dan-nala lemin! Maheheleaom leona, fo matee-mata'ti, tehu no dalek fo manadele ngge'be-ngge'bek! Hei, maheheleaom leona, tehu no dalek fo, manadele ngge'be-ngge'bek!

2TAWARIKH 32:11

Ade Hizkia mafa'da mae o Manetualain neukose soi-po'i emi neme ami koasa-ma mai do? Boso mamahele, nana ka'da Ana ke'dindiu emi. Neukose Ana po'ilotak emi mate moo la'a-ndoes-sa ma maa ma'dak-ka.

NAHUM 2:2

Tete'ek-ka, neukose Manetualain tao falik Israel matua-mademan, fo ela ana da'di sama leo makahulun-na, fo nai lelek musun-nala beita bonga uman-nala fa.)