NAHUM 1:8 - Susula Malalaok Hehelu Palak Ma Hehelu Beuk

⁸ Sama leo faa matuaina ana mai, Ana tao nakalulutuk musun-nala. Sila fo lapalani la'ban-nana, Ana hotu fes nenik mamates-sa, nalosa mopo-mates.

NAHUM 1:8 Referans Kwoze

YESKIAL 13:13

Manetualain Fo Mademaina, nafa'da nae, “Nai Au nasa-melung dalek, neukose Au fe ani sangu-a, u'da matuaina, ma u'da eis-sa ana mai, fo ana tao nakalulutuk papala nanadamak sila-la.

YESAYA 28:17

Au tao ndoos ma matetuk-ka, da'di tali uukuk, ma Au tao dale ndoos-sa da'di tali sipak.” Neukose u'da batu-a, ana sasapu balisi basa masapepeko-masandandalik fo, emi dalem-ma natea neun ndia. Neukose faa, ana ba'u neni emi mamana keke'kem-ma.

YESAYA 8:22

do leo dae neu, neukose ta lita hata esa boen, te ka'da to'a-taak-ka, makahatuk-ka, boema makahatuk fo neni bibii-namata'u matuaina. Neukose sila nanatu'u-tapak leo mamana makahatuk ndia neu.

ZEFANYA 2:13

Basa ndia soona, neukose Manetualain Ana pake koasan-na, fo Ana tao nakalulutuk Asyur. Neukose Ana tao kota Niniwe da'di nee-nee lino-linok, ma moo na'u tak.

AMOS 8:8

Neukose daebafak-ka dele, ma basa hataholi-la dalen-nala susa. Basa nusak-ka lala'en-na nanggengo ma ko'ba-ka'bo sama leo Lee Nil-la.

MATEOS 8:12

Te see ko na hataholi fo tunga ndo na ala da'di Manetualain hataholi kamahehele nala, neukose sila nanatapahenik leo makahatuk manai dea ka leu. Nai ndia neukose ala doidoso.”

MATEOS 7:27

Nai lelek fo ani sangu ma faa tua ka ana mai, fo ana fepa uma ndia soona, ana tu'u neu fo nakalulutuk!”

NAHUM 2:8

Laun manai Niniwe-la lalai tapasasala, sama leo nalutu te'te-a, de oen-na kalua. Halak-ka nggasi-ma nae, “Mate'e, mate'e!” Tehu ta hapu manafalik fa.

NAHUM 1:1

Manetualain hala hehelun-na nde ia la'eneu Niniwe. Nafa'da hala heheluk ndia tunga ninitak, de Ana fen neu Nahum, fo nabi esa neme Elkos mai.

DANIAL 11:40

Metema manek nusa kii ndia, koasan-na sanga deka basan soona, manek nusa kona sapu-nan. Boema manek nusa kii-a, neukose ana balas natee-natatik ndia no mamate-momopon. Neukose neni kaleta musu, ndala ma ofak makadotok. Neukose ana sapu sama leo faa oek-ka, de nangatuu-na nusak makadotok.

DANIAL 11:22

Basa solda'du lala'en-na, ala la'ban-nana, hei leomae Imam Matuaina boeo, neukose ana sapu balisis ma ana taonisas.

DANIAL 9:26

Nai tepo-lelek ndia mate'en-na, mauli-malangan fo Manetualain helek sila-la, neukose nanataonisak, te se'kona salan ta. Soona mane mabe'i-balakaik esa solda'dun-nala mai, boema ala tao lakalulutuk kota Yerusalem-ma ma Manetualain Uman-na. Neukose tepo-lelek ndia mate'en-na, ana mai sama leo faa matuaina, fo neni natee-natatik, ma nakalulutuk, sama leo Manetualain naketu basan so.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

AYUB 30:15

Bibii namata'u matuaina, ana potin-na au aoinang-nga; au na'de maloleng-nga, mopok-kana, sama leo anin-na; au ua-nale maloleng-nga mopon, sama leo ko'as-sa, mopok-kana.

DANIAL 11:10

Boema manek nusa kii-a anamanen-nala laheheleao soaneu latee-lata'ti, de ala hoka basa solda'du-la de da'di bubua matuaina esa. Solda'du sila-la esa neu sapu nakahuluk sama leo faa oek-ka. Ana sapu-nalas neu kala'i dua-na boema, ana kae kota musu-a.

AYUB 40:11

Mete sila fo, dalen-nala manakoao-ndaeaok; Fe o nasam-ma lua ponu-ponu, fo makadadaek-kasa.

YESAYA 13:9

Neukose, Manetualain fain-na losa, fo nai faik ndia, Manetualain nasa-melun lua ponu-ponu. Neukose, daebafak-ka da'di moo na'u tak, ma basa hataholi masala-masingok-kala, neukose mopo-mate.

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

YESAYA 28:2

Neukose Manetualain nadenu hataholi balakaik, ma ao makadelek esa. Mamain-na sama leo sangu-a sama-sama no u'da eis-sa, sama leo u'da ina ma faa manenik-ka.

YEREMIA 51:64

Ma o kokolak mae, ‘Ia nde been-na neukose ana da'di neu Babel. Neukose nusak ia tenak heni ma ana ta fo'a soon hu ka nde ala hapu susa-soe neme Manetualain mai.’ ” Yeremia dede'a kokola-na nate'e losa ia.

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.

YESAYA 28:18

Emi hehelu-balataam mo mamates-sa, ma emi mala halak mo hataholi manamatek-kala daebafan-na, neukose ta da'di fa, nalosa, metema soe-a ana mai soona, emi lutu-lutu, nanahu nanaheheta-aa'ik.