NAHUM 1:14 - Susula Malalaok Hehelu Palak Ma Hehelu Beuk

¹⁴ Manetualain nakeketun la'eneu leoina Asyur-ra nde ia: “Neukose ketu sila tititi-nonosin fo sila tititi-nonosin, ta lamade'u-lamaba'u fa. Neukose Au tao akalulutuk dodoki-dudulak sosongok manai lamatua daebafan-nala uman dale. Au sadia basa leoina Asyur-ra bolo mamaten-na so, nana sila ta landaa laso'da fa!”

NAHUM 1:14 Referans Kwoze

MAZMUR 109:13

Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

MIKHA 5:13

Dewi Asyera lutu batu sosongon manai emi nusam-ma, neukose Au ta atu'un, ma emi kota-kota makota musum-mala, neukose Au tao akalulutuk-kasa

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

2RAJA-RAJA 19:37

Nai faik esa, fo lelek ana bei songo nai Lamatua Daebafak Nisrokh-ka uma sosongon dale, boema Adramelekh ma Sarezer, fo ana manen-nala, ta'ti lisan nenik tafaina. Basa ndia boema, lalai leo nusa Ararat-ta leu. Boema Esarhadon, fo anamanen fe'en esa, nggatin da'di manek.

DANIAL 11:21

Ata nusa so'dak ndia, nafa'da seluk au nae, “Manek manamaik fo ana paleta nusa kii nde been-na, hataholi matasi'da-matasaek esa, fo ta nanu haak da'di manek fa. Tehu neukose, ana mai no kaiboik fo ana loso-na nangatutuu manek-ka nenik tipu-daik.

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YESAYA 33:13

Nemen-na fo, hataholi manadekak-kala, do manai dook-kala, lamanene la'eneu Au tatao-nono'ing, fo ala manaku Au koasang-nga.”

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

MAZMUR 71:3

Da'di sama leo lete batu ba'eneu au fo au mamana leleong-nga fo au losan tataas esa no mudak la'iesak-kana, Nana O maketu basa, soaneu soi-tefa-mala au, Au mamana nasulu-nahapang, ma mamana hahaeaong-nga nde O.

2TAWARIKH 32:21

Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

SEMUEL SUSULAK-KA ESAN-NA 3:13

Au afa'da basan ae neukose Au huku teidale-bobongin-na losa dodoon-na, nanahu anan-nala lakamumulu-lakamamaek basa Au so. Eli bubuluk sila sala-singon ndia, tehu ta namanasa fas.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

AYUB 18:17

Ta lalelak-kana nai kota dale, do nai kota deak so'on; ta hapu hataholi esa boen, fo bei nafandendelek na'den-na.

MIKHA 5:14

Nai Au nasa-melu manalua pono-ponung-nga dalek, neukose Au balas basa leoina fo ala ta tunga Au fa, tatao-nono'i mangalaun-nala.”

HABAKUK 2:10

Tehu o dale tutu'um ndia ka'da neni mamaek fe o teidalem-mala. No o bonga leoina ba'uk-ka uman-nala, de o makatutu'dak seluk o aoinam-ma.

DANIAL 5:27

nanataik, Ama Manek nanatai basak so, de Ama Manek belan-na ta dai fa;