MIKHA 6:8 - Susula Malalaok Hehelu Palak Ma Hehelu Beuk

⁸ Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

MIKHA 6:8 Referans Kwoze

AMSAL 21:3

Tatao-nono'i ndoos ma matetuk-ka, nandaa no Manetualain dalen-na, lena heni tunu-hotuk-ka

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

HOSEA 6:6

Au nau emi malelak Au, ma sue-lai Au tataas esa, neme emi tunu, ma tunu-hotu tutunu-hohotuk fe Au.

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

LUKAS 6:36

Ela leo bee na emi manuu dale susuek sama leo emi Amam boeo nanuu dale susuek!”

LUKAS 11:42

Soe ba'eneu emi fo hataholi Farisi la lemin! Emi bubu'u-palusam buna-boan sama leo daladae ma mo'do ai daak, ma bumu fe'e-fe'e kala, emi hapu sanahulu soona, emi fe baba'ek esa leo Manetualain neu, tehu naketu tunga matetu na, ma susue-lalaik neu Manetualai na, emi ta taoafik neu fan. Te see ko na ndia nde muse emi tao-no'in, ma taoafik neu fe'e-fe'e kala boe.

AMOS 5:24

Malole lenak sanga enok, fo daenga eno ndoos ma matetuk-ka, ana faa sama leo oe-a, ma tatao-nono'ik fo tunga ndoon-na, ana faa sama leo lee manama'da taak-ka.

MATEOS 5:7

Maua-manalek neu hataholi fo mana sue-lai hataholi fe'e ka; nanahu neukose Manetualain sue-lais boe!

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

HOSEA 12:6

Manetualain ndia nde Manetualain Fo Manakoasa. Na'den-na nde Manetualain. No na'dek ndia, nde Ana nau hataholi-a sene-do'ok neun.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

MAZMUR 37:26

Ana fe hataholi tona tataas esa, ma ana fe, de anan-nala da'di baba'e-papalak ba'eneun.

NEHEMIA 9:13

O kona meme lalai mai, leo Lete Sinai lain, boema O kokolak moo O ana mesam-ma. O fes hoholo-lalanek, nakanenetek ma paleta fo ndoos ma matetuk ma masosoa-ndandaak.

MAZMUR 112:4

Mangale'dok-ka, nasalaa nai makahatuk dale, ba'eneu hataholi manatao tunga ndoon-na, ba'eneu hataholi fo ndoos ma matetuk, manasue ma manalai.

RATAPAN 3:26

Da'di, malole lenak ata tahani no nee-nee lino-linok losa Manetualain Ana mai fo fe tutulu-fafalik;

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

MAZMUR 73:28

Tehu ba'eneu au soona, malole-na seli, au nai Manetualain boboan-na, Au tao Manetualain, da'di au mamana nasulu-nahapang, fo ela au hapu tui-benga tatao-nono'in lala'ena.

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

YAKOBIS 2:20

Emi nggoa ma seli! Ade paluu natu'du fe emi buti, la'eneu namahehele ka ta no tatao-nono'i ka fa soona, sosoa-ndandaan ta do?

ROMA 7:16

Naa, metema au tao tatao-nono'ik fo ta nandaa no au dale hihii nga fa soona, dede'ak ndia sosoa na nae, au manaku ae agama Yahudi hoholo-lalanen sila la malole.

2TAWARIKH 32:26

Tehu mate'e-na Hizkia ma hataholi Yerusalem-mala lakaloe-lakadae aoina-nala, de nai Hizkia fai maso'da-na dalek, ana ta nakalala'ok huhukuk ndia fa.

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

LUKAS 10:42

te see ko na fo nanapaluu ka, ka'da dede'ak esa mesa kana. Maria hele basa hata fo malole a, fo neukose ta nanaho'ik neme ndia mai fa.”

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

2TAWARIKH 33:23

Tehu, Amon ta sama leo aman fa, ana ta nakaloe-nakadae aoinan-na ma ana ta fali leo Manetualain mai fa; nakalenak ana nasala-nasingo lena neme aman mai.

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

KEJADIAN 5:22

Basa ndia boema, nai teuk natun telu dalen-na, Hanok naso'da nai nakabua-nakaesak-ka dalek no Manetualain. Ana bongi ana fe'e-fe'en-nala, de

IMAMAT 26:41

nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

1 KORINTUS 7:16

Nana da'dileo saoinak – fo namahele Lamatua ka so – na tao leo bee fo o bisa bubuluk te'e-te'e mae, o ta hapu soi-tefa ma saotou ma fa? Leondiak boe, da'dileo saotouk fo namahele Lamatua ka so, tao leo bee fo o bisa bubuluk te'e-te'e mae, o ta hapu soi-tefa ma saoina ma fa?

2TAWARIKH 30:11

Tehu hapu hataholi nggelok leme leo Asyer, Manasye, ma Zebulon, ala nau mai leo Yerusalem mai.

LUKAS 12:14

Yesus nataa nae, “Tolanoo ei, see ka nde so'u Au da'di manamaketu-mala'di, do manaba'e hata pusaka neu emi dua?”

ULANGAN 30:15

Faik ia, emi bole hele, malole-a do mangalauk-ka, maso'dak-ka do mamates-sa.

YESAYA 56:1

Manetualain nafa'da anan-nala nae, “Tao hata fo ndoos, ma matetuk ma nandaa no Au hoholo-lalaneng. Nana, ba'ihanak seluk bai te, Au mai soi-tefa emi ma Au ndo matetung nananafa'dak.

YESKIAL 33:14

Bole da'di, Au fe basa hataholi masala-masingok-ka nasanene'dak, ae neukose maten. Tehu metema, ana hahae tao sala-singok, fo ana mulai tao tatao-nono'i malole ma ndoos sama leo, ana fe falik hataholi bua nggangga'den-na, do namanako-na bua-lo'as-sala, boema ana tunga hoholo-lalanek fo maneni maso'dak-ka, soona neukose ta mate fan.

MIKHA 6:9

Manatee-tenok-ka nde been-na soaneu bii neu Manetualain. Naloo bou-bou neu laun manai kota nae, “Mamanene leon, hai emi fo manamakabubua manai kota lemin!

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

ULANGAN 27:10

Hu ndia de, tunga emi Manetualaim-ma, ma tao-no'i basa paletan fo, faik ia, au fen emi.”

YOSUA 24:14

Yosua kokolak nakandoo nae, “Da'di, besak ia, fe ha'da-holomata neu Manetualain. Mamahele neun no dalek-katematuak ma no lilinekak. Si'u heni basa lamatua daebafak, fo makahulun-na, emi bei-ba'i kaim-mala sene-do'ok-kasa neme Mesopotamia ma Masir. Ka'da mamahele neu Manetualain.

MAZMUR 101:1

Dauk Kokoa-kikiok. Au nau akamee la'eneu lilinekak, ma ndoos ma matetuk-ka, fo au nakamee kokoa-kikiong, ba'eneu O, ou Manetualain!

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.