MIKHA 6:4 - Susula Malalaok Hehelu Palak Ma Hehelu Beuk

⁴ Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

MIKHA 6:4 Referans Kwoze

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

YEREMIA 32:21

Nenik O koasam-ma ma O be'i-balakaim fo matuaina, de O meni falik hataholi Israel-la kalua leme Masir mai. O tao manada'dik aok-kala, ma manada'dik beuk-kala, ma manada'dik fo manatao manggenge musu-a.

2 SEMUEL 7:23

Nai basa daebafak ia lala'en-na, ta hapu leoina sama leo Israel fa. Ka'da Israel mesa-mesak-kana, nde leoina fo O soi-po'in neme tuni-ndenik-ka dalek mai, fo ana da'di O ana mesam. O tao fes basa tatao-nono'i matuaina, ma manada'di beuk lala'en-na, fo taon-na O na'dem-ma nanakoa-nanakiok nai basa daebafak-ka lala'en-na. O usi heni leoina fe'ek-kala, loo sila lamatua daebafan-nala, nai lelek O anam-mala leu latee-lata'ti.

BILANGAN 12:1

Musa saon-na ina Kus esa, de Mariam no Harun tao sasa'ok ndia da'di netes, fo lakamuu Musa.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

MAZMUR 77:20

O la'ok tunga lii lain, O la'ok feo tasi maloaina, tehu O ei mamanam-ma, ta nananitak fa.

ULANGAN 24:18

Mafandendelek te, emi da'di hai ata neme Masir so, de emi Manetualaim-ma soi-po'i emi; hu ndia de, au fe emi nakanenetek ia-la.

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 9:26

de au hule-haladoi ae leo ia: Ou Manetualain, Fo Matua-madema, boso tao mamate-mamopo O anam fo, O soi-po'is ma O moos kalua leme Masir mai, nenik O be'i-balakaim, ma O koasa matuainam-ma.

ULANGAN 5:6

‘Au nde emi Manetualaim-ma, fo mananoo emi kalua meme Masir, fo mamanak emi da'di ata.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

KELUARAN 4:16

Ana muse kokolak pake o na'dem-ma, nai laun-na matan. Neukose, ana da'di o hataholi manakokolam, de ana tao o da'di sama leo Manetualain, fo nafa'da hata fo ana muse kokolak-kana.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

KELUARAN 3:10

Besak ia Au adenu o, fo muu leo mane Masir-ra muu, fo ela o mauli-malanga Au leoinang-nga, kalua neme nusak ndia mai.”

KELUARAN 4:10

Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”

BILANGAN 33:1

Hataholi Israel-la, kalua la'oela Masir boema, no Musa ma Harun hehela-nonolen, de ala la'ok tunga esa-esak leoinan, boema ala singa leme mamanak de'ubee.

SEMUEL SUSULAK-KA ESAN-NA 12:6

Boema, Semuel nafa'da seluk nae, “Manetualain nde hele Musa no Harun, ma Ndia nde no emi bei-ba'i kaim-mala kalua leme Masir mai.

KELUARAN 6:27

Lelek Manetualain kokolak no Musa neme Masir-ra,