MIKHA 6:16 - Susula Malalaok Hehelu Palak Ma Hehelu Beuk

¹⁶ Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

MIKHA 6:16 Referans Kwoze

YEREMIA 51:51

Emi kokolak mae, ‘Ami nananakadadaek ma nakamamaek hu ka nde hataholi manamai-la lamatuk-la mamana neulauk manai Manetualain Uman.’

YEREMIA 7:24

Tehu ala ta nau lamanene, ma ta nau taoafik fa. Nakalenak, ala tunga ka'da sila hihii-nanau mesan fo matea ma mangalauk ndia. Ala ta da'di malole fa, te mangalaun-nala, boetai nakadelek-ka.

YEREMIA 19:8

Neukose Au tipas mamate-momopok-ka fo matuaina nanseli neu kota ia de nalosa basa hataholi manala'ok tunga ndia neukose ala nggenge ma langgenggengo ao.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

MAZMUR 44:13

O mase'o O anam-mala nenik belik fo ta kandaak fa, ma ta hapu nanalak hata-hata fa.

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.

HOSEA 5:11

Israel nanatuni-ndenik, de ta nanuu dae baba'en-na fa, nanahu ka'da nangatuuk nau-nau, fo noke tutulu-fafalik neu hata fo tunga ndoon-na, ana ta bisa tulu-fali fan.

DANIAL 9:16

O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

RATAPAN 5:1

Ou Manetualain, mafandendelek hata fo ana da'di neu ami. Makanae ami, ma mete ami matasi'da-matasaem-ma.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YESAYA 9:16

Leoina ndia, ana kalua neme agama dalek mai, ma nalutu ha'da-tataon, ma hala-kokolan-nala mangalauk. Hu ndia de, Manetualain ta po'ilotak ta'eanan-nala, esa naladeak boen. Ana ta sue-lai basa faluina-anamaak-kala fa. Tehu Manetualainbei namanasa, de Ana huku nahele.

MAZMUR 1:1

Maua-manalek neu hataholi fo, ana ta tunga hataholi mangalauk-ka nanoli-nafa'dan fa, ana ta na'da hataholi masala-masingok-ka, ha'da-tataon fa, ma ana ta leo-napalasa no hataholi fo, nakamumulu-nakamamaek Manetualain fa,

2TAWARIKH 34:25

Sila la'oela Au so, de ala fe tutunu-hohotuk neu lamatua fe'ek-kala. Basa hata fo ala tao-no'ik-kala, tao nafo'a Au nasa-melung. Au amanasa Yerusalem, de Au nasa-melung ta bisa tenak fa.

2RAJA-RAJA 21:3

Aman Hizkia, tao nakalulutuk lamatua daebafak-ka mamana sosongo-tatangon-nala, ana nafofo'a falik-kasa. Ana tao mei tunu-hotuk, fo ana sene-do'ok neu Baal, ma ana tao Lamatua Daebafak Inak Asyera, dodoki-dudulan, sama leo Ahab, fo manek Israel-la tao-ka. Manasye sene-do'ok neu nduuk-kala boe.

2RAJA-RAJA 16:3

So'da-na sama leo mane-manek Israel-la, nakalenak ana tunu-hotu anamanen-na, da'di leo tutunu-hohotuk neu lamatua daebafak-ka, fo tunga tatao-nono'i manggenggeok-ka, neme hataholi fo Manetualain usihenis, leme nusa Kanaan-na, nai lelek hataholi Israel-la masok nusak ndia.

1RAJA-RAJA 18:4

Nai lelek Isebel taonisa Manetualain nabin-nala, Obaja ia tulu-fali na nabi natun esa nenik nafunis leme leak dale fo hataholi limahulu soona lai leak esa dalek – boema ana fes la'a linu.)

1RAJA-RAJA 9:8

Uma hule-haladoik ia neukose ana da'di ai-batu madodouk esa, nalosa hataholi manala'ok tunga ndia, neukose ala nggenge ma ala bii-lamata'u lanseli. Neukose lafa'da lae, ‘Taole'e de Manetualain tao leondiak soaneu nusak ma uma ia?’

YEREMIA 25:18

Au fe Yerusalem no basa kota manai Yehuda-la, no manek-kala, ma mauli-malangan-nala linu angol ndia, de nalosa ala da'di sama leo mook-ka fo tokotik ma mangalaun-na seli. Losa faik ia sila na'den-na nanapakek da'di leo soo-supak.

YEREMIA 29:18

Neukose Au usis tunga dea nenik natee-natatik, la'a-ndos-sa ma he'di-laus matuaina, de nalosa basa leoina manai daebafak ia, lame'da bibiik ala lita sila heheo-hihilun-nala. Metema Au tao tapasasalas su'di nai bea soona, neukose hataholi lame'da bibiik ma namata'uk lita hata fo manada'dik neu sila. Neukose sila nananakamuu-nakadauk ma ala pake sila na'den-na da'di leo soo-supak.

HOSEA 12:14

Manetualain nadenu nabi esa, fo noo hataholi Israel-la kalua leme Masir, mamanak fo ala da'di ata, ma soaneu naneas.

MIKHA 2:6

Hataholi manatui-benga fe au-a, nafa'da nae, “Boso tui-benga fe ami. Boso tui-benga la'eneu basa sila-la. Te neukose ami ta hapu mamaek fa.

MIKHA 6:13

Besak ia, Au mulai fepa ma tao akalulutuk emi, nanahu emi sala-singom-mala.

2TAWARIKH 22:4

Ahazia nasala-nasingo neu Manetualain sama leo Ahab teidale-bobongin, nanahu mate aman boema sila nde da'di manamanoli-manamafa'dan. Manamanoli-manamafa'dak sila-la nde tao soe fen-nana.

MAZMUR 44:14

O tao ami da'di uma titia-taik-kala kuku'e-koko'don, ala hakinonoli ma ala hika ami.