MIKHA 6:12 - Susula Malalaok Hehelu Palak Ma Hehelu Beuk

¹² Hataholi kamasu'ik manai emi kotam-ma, ala tuni-ndeni hataholi nuu-taa hata-taak-ka, ma emi basa-basam-mala masapepeko-masandandalik.

MIKHA 6:12 Referans Kwoze

HOSEA 7:13

Ala soe, nana ala-la'oela Au so. Neukose lakalulutuk, nanahu ala lena-la'ban basa Au so. Au ahiik soi-tefas, tehu sila makaluku-makatelen neu Au-a, ka'da pepekok mesan.

YEREMIA 9:8

Dede'a-kokolan-nala, mangalauk nanseli, nanisa, sama leo kokouisi malasok-ka. Hala-kokolan-nala, ka'da masapepeko-masandandalik mesan. Dede'a-kokolan-nala leo mina noo-a, tehu tunga ndoon-na, lakahihi'ik hataholi ndia.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YESAYA 3:8

Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

ROMA 3:13

Botolii koko'do nala bepoo, sama leo lates manapoo poo ka. Ala kokolak ka'da dede'a-kokola tipu-daik, ma lakamu-lakadau, sama leo menge malaso ka.

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.

HOSEA 7:1

Manetualain nafa'da nae, “Nai lelek fo Au hii akahahaik Au anang Israel, ma tao atalolole sila ha'da-tataon, boema Au ita ka'da sila tatao-nono'i mangalaun-na, ma sala-singon-nala. Sila esa ke'dindiu esa, leu lamanako nai hataholi uman, ma laseti-lalaka hataholi hata-heton nai enok-kala.

MAZMUR 35:20

Sila hala-kokolan ta mangana'uk fa; ala tutu'u eno ke'di-ndiuk soaneu hataholi fo, so'dan-na mole-dame.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

AMOS 6:4

Soe ba'eneu emi fo mangape'uk nai pepe'u malole mana'a lain, ma tao feta-dote nenik paa sapi ma paa bi'ilopo ana!

MAZMUR 78:36

Tehu ala ke'di-la, Manetualain, nana sila hala-kokolan-nala ka'da masapepeko-masandandalik mesan.

MAZMUR 120:2

Ou Manetualain, soi-tefa-mala au neme masapepeko-masandandalik, ma manake'di-ndiuk-ka mai.

ZEFANYA 1:9

Neukose Au huku basa hataholi fo ala sene-do'ok, sama leo hataholi fo ta lalelak Au fa, ma sila fo lamanako, ma lanisa, fo ala tao lahenu sila malangan-na uman-na nenik bua-lo'a nakok-kala.”

HATAHOLI 24:9

Hataholi Yahudi manai sila la boeo, ala fe salak neu Paulus ma ala sipok la'iesak Tertulus dede'a kalaa na.