MIKHA 1:13 - Susula Malalaok Hehelu Palak Ma Hehelu Beuk

¹³ Emi fo laun Lakhis-sala, pa'a ndala neu kaleta natee-natatik-ka leona! Emi na'da-ma Israel tao sala-singok-ka, nalosa ana tao-na Yerusalem nasala-nasingo boe.

MIKHA 1:13 Referans Kwoze

2RAJA-RAJA 18:17

Tehu, mane Asyur ndia, haitua solda'du bubua matuaina esa, neme Lakhis mai, fo leu sapu-la Yerusalem. Malanga solda'du manai lain 3, lauli-lalanga solda'du bubuak ndia, fo nde malanga solda'du manai lain esa, malalu-maoono nininuk esa ma esa neme, manek-ka manamanean-nala, malangan-na mai, Lelek, ala losa kota ndia, boema ala ho'i mamanak nai tina, fo loken lae Tina Penatu, fo ana deka no, oelolok fo manafaa neme lifu manai lain-na mai.

2TAWARIKH 32:9

Faik de'ubee makabuin-na, fo nai lelek manek Asyur-ra sama-sama no solda'dun-nala bei lai Lakhis, te ana haitua hataholi nadedenuk neu leo Hizkia ma Yehuda laun manai Yerusalem-ma soaneu nanduku-nalosak hala-heheluk-ka nde ia nae,

YOSUA 10:3

Hu ndia de, Adoni-Zedek nadenu hataholi neni hala heheluk-ka nde ia, fe Mane Hoham-ma nai Hebron, Mane Piream-ma nai Yamut, Mane Yafia nai Lakhis, ma Mane Debir-ra nai Eglon. Hala heheluk-ka nae:

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

MIKHA 1:5

Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

YESKIAL 23:11

Fa'din Oholiba, nita manada'dik ndia, tehu ndia nasa sosoa-piaon-na nasuu lenaheni Ohola.

YEREMIA 4:29

Solda'du manasa'e ndala-la, ma manakouk-kala nakoten-nala, nananamanenek, de taon-na, hataholi-a esa-esak nalai, de bafan ka'u-ka'u. Ala masok leo nula-la dalek leu, ma ala kae pupuku batu-la. Basa kota-la, ala da'di nee-nee lino-linok, hataholi ta nau leo nai ndia so'on.

YESAYA 37:8

Asyur malanga solda'du matuainan ndia, hapu halak lae ndia manen-na, ana la'oela Lakhis so, de natee-natati la'ban kota Libna, fo ta dook-ka neme ndia mai fa. Boema neu leo naa neu, fo natongon-no manen ndia.

YESAYA 10:31

Madmena ma Gebim laun-nala, lalai leo nusak fe'ek leu.

2TAWARIKH 11:9

Adoraim, Lakhis, Azeka,

2RAJA-RAJA 8:18

Ana sao Ahab anan-na, de sama leo Ahab teidalen-nala tatao-nono'in, ndia boeo, nasala-nasingo neu Manetualain sama leo mane-manek Israel-la.

1RAJA-RAJA 16:31

So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

KELUARAN 32:21

Boema nafa'da Harun nae, “Ala tao hata neu o, de nalosa o po'ilotak-kasa tao sala-singok matuaina?”

KEJADIAN 19:17

Basa ndia boema, ata nusa so'dak ka duak sila-la, esa nae, “Malai leona, fo daenga o maso'da! Boso lipa leo dea neu, ma boso mate'e nai bafak dale. Malai leo letelepak-ka meu, fo ela boso mate emi!”

1RAJA-RAJA 4:28

Bupati sila esa-esak boeo fe gandum ma ha'deaik soaneu Salomo ndalan-na la, nau ndala sasa'ek do ndala manahela kaleta la boe. Leni bana sila nana'a na leo ndala-la lalae na neu fo dede'un-na, ba'u ala paluu ka.

YESAYA 36:2

Basa ndia boema, nadenu malanga solda'du matuainan-na, no solda'du makadotok nanseli, leme Lakhis leo Yerusalem leu, fo lakaseti Hizkia, fo ela nakatele neu ndia. Ala losa kota ndia boema, ala ho'i mamanak nai tina fo, loken lae, Tina Penatu, deka no oelolok fo oen-na ana faa neme lifu manai lain-na mai.

AYUB 39:10

Ade o bisa pa'a-man, fo o lakan nakauuk fe o do? Ade o bisa madenun, fo ana foi-fala o tinam-ma do?

YEREMIA 34:7

nai lelek manek Babel-la bei sapu-la kota ndia. Sila boeo sapu-la kota Lakhis-sa ma Aseka, fo kota kaduak sila-la matea-mahelek-kala, ma bei lakatatakak nai Yehuda.