MAZMUR 94:14 - Susula Malalaok Hehelu Palak Ma Hehelu Beuk

¹⁴ Nana, neukose Manetualain ta la'oela anan-nala fa; ma Ana ta tapa heni pusakan-na fa.

MAZMUR 94:14 Referans Kwoze

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so

MAZMUR 37:28

Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

ROMA 8:30

Manetualain hala nalolon neu hataholi fo naketu basan neme makahulu na mai a, leondiak; boema hataholi nananalok sila la, ala hapu loak soaneu ala malole falik lo Manetualain. Ma ala hapu loak soaneu laso'da nai Manetualain so'da-mole na dalek.

EFESUS 1:18

Au dokodoe neu Manetualain, fo ela Ana soi emi dudu'a-aafi mala, fo ana mangale'do; fo ela emi malelak hata fo emi mamahenan neme Manetualain fo mana maloo emi a. Fo ela emi boeo bubuluk, baba'e-papala mana'a hiik ma mana sasikao-kao ka, fo Manetualain sadia basan ba'eneu hataholi kamahehele nala so;

MAZMUR 34:12

Mamanene leon, hai ni'iana-la lemin, au anoli emi, fo fe ha'da-holomata neu Manetualain.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

MAZMUR 94:5

Ou Manetualain, ala tuni-ndeni O anam-mala, ma ala tao lakalulutuk hataholi fo O helek-kala.

IMAMAT 26:44

Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

MAZMUR 74:2

Mafandendelek O anam fo, O heles neme makahulun eli mai, O soi-po'i leoina-kala, fo ela ala da'di O nuum. Mafandendelek Pupuku Sion fo, O taon da'di O mamana leleom-ma.

YESAYA 41:17

Metema, Au leoinang fo, ua-nale poke-pakek ndia sanga oe, ma botolii koko'don-na namatuu, nanahu maa ma'dak-ka, soona Au, fo Manetualain, neukose ataa sila huhule-haladoin; Israel Manetualain-na, neukose Ana ta la'oela anan-nala fa.