MAZMUR 92:9 - Susula Malalaok Hehelu Palak Ma Hehelu Beuk

⁹ nana O, Manetualain, koasa losa dodoon-na.

MAZMUR 92:9 Referans Kwoze

MAZMUR 37:20

Tehu hataholi mangalauk-ka, neukose mopo-maten, neukose mopo Manetualain musun-na, sama leo bunga nai mook-ka, neukose mopok-kasa, lai ha'i masuk dale.

MAZMUR 89:10

O koasa tasi fo, lii manaponu-ponuk-ka, ma O tao-ma, lii matuainan-na, naloe.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

LUKAS 19:27

Ma besak ia mo au musu noong fo ala ta nau au da'di sila mane na, leo ia mai. Taomisa la'iesa kasa nai au matang!’ ”

MATEOS 7:23

Soona neukose Au ataa ae, ‘Au ta alelak emi makandondook fa! La'o madook ia, hei hataholi mana tao-no'i mangau kala lemin!’ ”

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

MAZMUR 73:27

Hataholi fo, ana la'oela O-a, neukose ana hapu soe, O tao mamopo-mamate hataholi fo, ana ta lilineka neu O fa.

MAZMUR 68:30

Mane-manek-kala lini tunu-hotuk fe O nai O Umam manai Yerusalem-ma.

MAZMUR 59:11

Nanahu dale malolen-na, de au Manetualaing-nga mai neu au, Ana po'ilotak au mete au musung-nga kala.

MAZMUR 1:4

Nasafalin-na, hataholi mangalauk-ka: sama leo ha'deuk-ka, fo anin-na fuu nenin.

HAKIM-HAKIM 5:31

Ou Manetualain, sa'di leo been-na, mate O musum-mala, sama leo Sisera, tehu basa O tia-laim-mala nanakoa-nanakiok, sama leo le'do-a nai lalai! Basa ndia boema, nusak ndia tetu-temak, teuk haahulu dalen-na.

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

BILANGAN 10:35

Nai lelek ala sanga ndolo Peti Hehelu-balataak ndia soona, Musa kokolak nae, “Fo'a leona, ou Manetualain fo tao tapasasala o musum-ma, fo ela hataholi fo ta lahiik O fa, lalai.”

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

MAZMUR 97:9

Nana O, ou Manetualain, fo manakoasa daebafak-ka lala'ena; O matua-madema, lena heni basa lamatua daebafak lala'ena.

MAZMUR 102:13

Tehu O, ou Manetualain, Manek losa dodoon-na, nananafandendele nahelek, neme bobongik leo bobongik neu.

MAZMUR 102:25

Boema au afa'da ae, “Ou Manetualain, boso ho'i-ma au so'dang-nga, nai lelek au so'dang-nga ba'e duak.” Manetualain, O maso'da losa dodoon-na,