MAZMUR 89:48 - Susula Malalaok Hehelu Palak Ma Hehelu Beuk

⁴⁸ Mafandele au, te au so'dang ia, keke'uanak nanseli, O makadada'dik hataholi daebafak-ka, da'di leo mahahaek fo, manasapu-manalalok.

MAZMUR 89:48 Referans Kwoze

MAZMUR 49:15

Sila nananaketuk soaneu mate, sama leo bi'ilopo-a; neukose mamates-sa da'di sila manafoon. Fafai-fafain-na hataholi ndoos-sa sengis; aopaan-nala naboo no lai-laik nai hataholi manamatek-ka daebafan-na, fo dook-ka neme mamana leleo tetu-temak-ka mai.

IBRANI 11:5

Hu ka nde namahehele ka, de Hanok ta mate fan, te nanaso'uk leo Manetualain neu. Ta hapu hataholi esa boen, hapu nita fan, nana Manetualain so'u basan so. Nai Susula Malalaok dale nanasulak nae, Hanok beita nanaso'uk fa te, ana tao namahoko Manetualain dale na.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

PENGKHOTBAH 9:5

Ta bole nae ta, hataholi maso'dak-ka bubuluk nae mamates-sa nahanin, tehu hataholi manamatek-ka, ana ta bubuluk hata-hata fa. Ta hapu ngga'di do sese'bak ba'eneun fa, ma lafendele heni na'den-na so.

YOHANIS 8:51

Au dede'ang ia, tete'e ka la'en. Hataholi manatunga Au dede'a-kokola nga, neukose ana ta mate losa dodoo na fa.”

PENGKHOTBAH 8:8

Ta hapu hataholi esa boen, bisa napanggee, do nakamama'ak mamaten-na fa. Ndia natee-natatik esa, fo ta hapu di'o heni fan. ta bisa nala deak neme mamates-sa mai fa leomae ana sanga enok nenik ke'di-ndiuk do tipu daik boe.

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

HATAHOLI 2:27

Nana, hu O ta po'ilotak au samane nga, nahele neme bolo mamates dale fa. O ta po'ilotak O Atam mana lilinekak ndia pulu po'on ma mopo fan.

MAZMUR 22:29

Nana Manetualain nde manakoasa, Ana paleta leoina-la.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

2 KORINTUS 4:14

Ami mamahele mae Manetualain fo manatao naso'da falik basa Lamatuak Yesu sa, neukose Ana tao naso'da falik ami mo Yesus, fo no emi ma ami leo mata na neu.

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 119:84

Losa faihi'da, de'i fo O atam-ma, muse ta haelai namansa fa? Fa'ihi'da de'i fo, O huku hataholi manausi au-a?