MAZMUR 89:19 - Susula Malalaok Hehelu Palak Ma Hehelu Beuk

¹⁹ Nana ami manamasulu-mahapam nde bee-na, nde hataholi fo O helek-ka, ou Manetualain; ami manem-ma nde bee-na, Israel Manetualain fo Malalao-malalafuk-ka, nuun.

MAZMUR 89:19 Referans Kwoze

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”

1RAJA-RAJA 11:34

Leomae leondiak boe, neukose Au ta ho'i a la'iesak nusak ndia neme ndia mai fa. Neukose Au po'ilota kana ana koasan-nai fai maso'da na dalek. Au tao dede'ak ndia, nanahu Au atang Dauk, fo Au hele basan so, ma ana tunga Au hoholo-lalaneng ma Au paletang-nga la.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

MAZMUR 89:3

Nana au bubuluk, O susue-lalaim manaketu-basa tak, losa dodo-na, O lilinekam matea-mahelek sama leo lalai-a.

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.

2 PETRUS 3:2

Au oke, fo ela emi mafandendelek hala-kokolak fo, makahulu na Manetualain nabi nala kokola kasa, ma mafandendelek paleta neme Lamatuak fo Manek Mana Soi-Tefa ka, fo Lamatua ka hataholi nadedenu nala, tui-bengan neu emi a.

2 PETRUS 1:21

Nana beita la'iesa fo Manetualain hala hehelu na, nanatui-bengak tunga ka'da hataholi daebafa ka hihii-nanaun fa. Te hu ka nde, Manetualain Dula Dale na koasa na basa nabi la, de besa ka ala tui-benga hala heheluk fo maneme Manetualai na mai.

LUKAS 1:70

Makahulun eli, tunga nabi-nabi nanahele nala, Manetualain fe basa hehelu-balataan

MARKUS 1:24

“Hei Yesus fo Hataholi Nazaret. O sanga tao ami le'e ia? O mai soaneu O tao makalulutuk ami do? Au bubuluk see O. O ia Hataholi nadedenu malalaok neme Manetualain mai!”

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

MAZMUR 42:3

Au ahiik Manetualain fo maso'dak, faihi'da au bole u sene-do'ok nai Uman-na?

2 SEMUEL 17:10

Soona, leomae hataholi palani ta'ti batu, ma hataholi ao makadelek sama leo singa boeo, tao leo bee-o, neukose ana bii boe. Nana basa hataholi Israel-la, ala bubuluk lae Ama Manek aman ndia nde been-na, palani ta'ti batu, ma lae solda'dun-nala nde been-na, matee-mata'ti palani-la.

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

MAZMUR 3:4

Ou Manetualain tehu O nde been-na, babaa fanak fo manamanasulu-mahapa au-a. O fe au sesengik, ma O mamatutua au daleng-nga.