MAZMUR 86:8 - Susula Malalaok Hehelu Palak Ma Hehelu Beuk

⁸ Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 86:8 Referans Kwoze

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

ULANGAN 3:24

Ou Manetualain Fo Matua Madema, au bubuluk hata fo O matu'dun neu au ia, besak-ka nalupa makasososak neme O tatao-nono'im matuainam ma nanadodoo doak. Ta hapu lamatua daebafak nau nai lalai do nai daebafak-ka boe, fo sama leo O taom-malak hata-hata fo ta uku-dou nala fan.

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

DANIAL 3:29

Hu ndia de, au paleta fo basa hataholi maneme leoina, leo do dede'ak beek boe, fo ana kokolak nakadadaek Manetualain fo Sadrakh, Mesakh ma Abednego sene-do'ok-ka soona, neukose tete'te-nan lutu-lutu ma tao natu'u uman-na fo taon da'di ai batu madodouk. Nana ta hapu lamatua daebafak bee boe, ana bisa tao hata fo Manetualain ndia tao basak-ka so.”

MAZMUR 89:8

O nanafe ha'da-holomata nai basa hataholi malalao-malalafuk-kala dalek nanabii-naata'uk, neme basa hata manai O boboa-kaisum-ma.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YESAYA 40:25

See kande, o mafa'da mae, mata-aon sama no Manetualain Fo Malalao-malalafuk-ka? O sanga makasasamak-kana no see ka?

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

MAZMUR 136:4

Ka'da Ndia nde tao manada'di beuk matuaina-la; susue-lalain manaketu-basa tak, losa dodoon-na.

KELUARAN 8:6

Boema, Harun leleuk aitete'en-na leo basa oe-la lain neu, boema lo'donggelek-kala poka mai, de henu nusak ndia.

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

MAZMUR 95:3

Nana Manetualain nde bee-na, Manetualain fo matua-madema, Manek makadelek fo nai lamatua daebafak lala'ena lain.

MAZMUR 135:5

Nana au bubuluk, Manetualain tete'ek-ka matuaina. Ndia matuaina, lena heni basa lamatua daebafak lala'ena.