MAZMUR 84:11 - Susula Malalaok Hehelu Palak Ma Hehelu Beuk

¹¹ Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

MAZMUR 84:11 Referans Kwoze

AMSAL 2:7

Ana fe tutulu-fafalik ma nasulu-nahapak neu hataholi dale ndoos ma bu'u-ba'e tak.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

MAZMUR 85:12

Hataholi daebafak-ka lilinekan, neukose ana moli neme daebafak-ka mai, ma Manetualain ndoon ma matetun-na neukose ana titino neme lalai mai.

AMSAL 10:9

Hataholi manatao ndoos-sa, so'dan-na nee-nee lino-linok; hataholi manake'di-ndiuk-ka, neukose nanabubuluk.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

MAZMUR 3:3

Hapu makadotok lafa'da lae Manetualain ta nau tulu-fali au fa.

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

AMSAL 28:18

Hataholi fo, naso'da no bu'u-ba'en ta soona, neukose naso'da. Hataholi fo, so'dan-na dopelele'u, neukose ana tu'da.

MAZMUR 27:1

Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

FILIPI 1:6

Manetualain nde mulai tatao-nono'i malole ndia, neu emi a, de au amahele, neukose Ana tao-no'i nakandoo tatao-nono'ik ndia, losa nakababasa kana nai Kristus Yesus Fai fafali ma'i na.

MAZMUR 15:2

Hataholi fo, so'dan-na salan ta, ma ana tao tatao-nono'i malole, ma no dale ndoos, nafa'da hata fo tete'ek-ka;

YOHANIS 1:16

Hataholi ndia henuk no susue-lalai ka; susue-lalain manaketu basa tak. Ana ba'e-pala ita.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

MAZMUR 119:114

O nde, au manamasala'eng, ma manamasulu-mahapang, au amahena neu O hehelum-ma.

AMSAL 28:6

Malole lenak, hataholi nuu-taa hata-taak fo, dalen-na ndoos, neme hataholi kamasu'ik, fo manatao peko-pakik-ka mai.

MIKHA 2:7

Boso maedaenga, Manetualain supa-soo basa hataholi Israel-la so! Neukose Manetualain ta tao dede'ak leondiak-ka fa. Beita la'iesa fo mopo dudu'a-aafi manalun-na fa. Ade, Ana ta kokolak no mangana'uk neu hataholi fo manatao dede'a ndoos-sa fa do?”

GALATIA 2:14

Au mete ita heo-hilu nala ta nandaa no Hala Malole ndia eno ndo na so'ok boema, au afa'da Petrus nai hataholi makadotok sila la matan ae, “Tolanoo ka hataholi Yahudi, te se ko na tolanoo ka so'da na, sama leo hataholi ta Yahudi la so'da na, na tao le'e de besak ia, tolanoo ka makaseti hataholi fe'e kala fo, laso'da sama leo hataholi Yahudi la?”

MAZMUR 84:9

Mamanene au huhule-haladoing, ou Amak Manetualain Fo Manakoasa, mamanene leon, ou Yakob Manetualain-na.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

YOHANIS 1:9

Mangale'do matetuk fo nangale'do nala basa hataholi daebafa ka, ana mai leo daebafa ka mai.

MAZMUR 47:9

Manetualain nangatuuk nai kandela manen fo, malalao-malalafun lain; Ana paleta leoina-kala.

ULANGAN 18:2

Sila ta bole lanuu dae sama leo, leo fe'ek-kala fa, nana Manetualain nde da'di, sila baba'en-na, sama leo Manetualain helu basan neu sila so.