MAZMUR 82:5 - Susula Malalaok Hehelu Palak Ma Hehelu Beuk

⁵ Emi ta bubuluk hata-hata fa, nggoak ma matofa-matalak, hu kande emi, de nalutu ha'da nggolok-ka.

MAZMUR 82:5 Referans Kwoze

MAZMUR 11:3

Metema ha'da nggolok-ka ta nanaito-atok tunga matetun-na fa, soona hataholi ndoos-sa, ta botik langan-na fa.”

MIKHA 3:1

Mamanene leon hai emi fo manakoasa Israel-la lemin! Tunga ndoon-na, emi bubuluk ndoos ma matetuk-ka,

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

AMSAL 2:13

Ala ta nau tunga maso'dak malole-a, eno-dalan fa; ala tunga eno makahatuk fo henuk no sala-singok-ka.

1 YOHANIS 2:11

Tehu hataholi fo nakamuu-nakadau tolano na, hataholi ndia so'da na, bei nai makahatuk dale, de ana ta bubuluk, ana la'ok leo bee neu fa, nana makahatu ka de ta nita lo dae so'on.

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

AMSAL 1:29

Emi sama leo hataholi fo, ta la'i esa boen, fo ana nau hapu malelak, ma ana ta nau tunga Manetualain fa.

MAZMUR 14:4

Manetualain nae, “Hataholi mangalauk sila-la, ta lame'da fa do? Ala laso'da lenik ka'da, ala kalo Au anang-ngala, ma ala ta hule-haladoi neu Au fa.”

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.

YESAYA 59:9

Boema, leoina ndia, nafa'da Manetualain nae, “Besak ia, ami bubuluk, tao le'e de, O ta soi-tefa-mala ami neme hataholi fo, manatuni-ndeni ami-a fa. Ami mahani mangale'dok-ka, tehu hapu ka'da makiu-makahatuk-ka.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

MAZMUR 53:4

Tehu basa hataholi-la singo heni eno ndoos-sa, ma tatao-nono'in-nala tofa-tafi, ta hapu hataholi esa boen tao malole fa.

PENGKHOTBAH 3:16

Hapu seluk hata fo au itan nai daebafak ia, fo nde: Nai bee fo muse hapu ndoos ma matetuk-ka, ma tatao-nono'i malole soona, nai ndia hapu tatao-nono'i mangalauk.

PENGKHOTBAH 2:14

Hataholi dodole da'uk-ka hapu nita enok fo sanga neu; hataholi nggoak-ka sama leo ana la'ok nafangganggama.” Tehu au boeo bubuluk ae ua-nalek fo sama, neukose tuni-na sila basa-basas.

MAZMUR 75:3

Manetualain nafa'da nae, “Nai faik fo Au aketu basan so, neukose Au aketu-ala'di, tunga ndoos ma matetuk.

AYUB 8:9

Ita so'dan-na keke'uanak, te ita ta buhuluk hata-hata fa; ita fai maso'dan-na, sama leo salaok-ka.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.