MAZMUR 78:61 - Susula Malalaok Hehelu Palak Ma Hehelu Beuk

⁶¹ Ana po'ilotak, musu nook-ka loso neni Peti Hehelu-balataan; ma Ana po'ilotak musu nook-ka loso-na ta'du-tana mandela-masa'an-na.

MAZMUR 78:61 Referans Kwoze

MAZMUR 132:8

Fo'a leona, ou Manetualain, fo muu leo O mamana hahaeaom-ma muu, O ma O Peti Hehelu-balataam, fo O be'i-balakaim-ma.

MAZMUR 24:7

Soi mamaloa lelesuina palaak dooinak-ka, fo ela Manek mandela-masa'ak-ka Ana masok.

2TAWARIKH 6:41

Fo'a besak ia leon, ou Manetualain! Ma sama-sama moo Peti Hehelu-balataak fo ana da'di dulak neme O koasa-ma mai ndia, ela leo been-na O masok leo O Uma ia dalek muu, fo leo nai ialosa dodoon-na. Ba'epala basa O imam-mala tatao-nono'in lala'en-na, ma ela leo been-na O anam lala'en-na laua-lanale nanahu O malole neu sila.

SEMUEL SUSULAK-KA ESAN-NA 4:21

Ana foi ni'iana ndia na'de, Ikabod Nafa'da nae, “Manetualain Fo Mandela-masa'ak-ka, mopo ndela-sa'an neme Israel mai so.” – halan ndia tee tee-tutu'dan nde nae, loso-la Peti Hehelu-balataak-ka so, ma mate aliaman-na ma saon-na so. Hu ndia de, nafa'da nae, “Manetualain Fo Mandela-masa'ak-ka mopo ndela-sa'an neme Israel mai so, nanahu ala loso-la Manetualain Peti Hehelu-balataan so.”

SEMUEL SUSULAK-KA ESAN-NA 4:17

Hataholi maneni halak ndia nataa nae, “Israel nalai neme hataholi Filistin-nala mai. Ita kakalan-na, ba'un-na seli. Mate hataholi makadotok; ma mate Ama anan duas, fo Hofni no Pinehas boe. Ma musu loso-na Peti Hehelu-Balataak-ka!”

HAKIM-HAKIM 18:30

Sila leni dodoki-dudulak sosongok ndia, de lapadedeik-kana nai kota ndia, boema ala so'u Gerson anan Yonatan, fo Musa upun-na, a'di sila imam ma. Gersom ia, tititi-nonosin da'di lahele leo Dan-na imam, losa tepo-lelek hataholi Israel-la nanafook ma nanatapak leo nusa fe'ek neu.

KELUARAN 40:34

Basa boema, ko'as-sa kona mai, de ana potiketu Manetualain Lalaa Teman-na, de Lalaa Temak ndia henuk no Manetualain ndela-sa'an.

MAZMUR 63:2

Ou Manetualain, au Manetualaing-nga nde O, au sanga ma ahiik O. Sama leo dae tokotik-ka, ana maa ma'da oe, leondiak boe, au maa ma'da neu O.

SEMUEL SUSULAK-KA ESAN-NA 6:1

Lelek Manetualain Peti Hehelu-balataan nai Filistin bulak hitu dalen-na boema,