MAZMUR 78:21 - Susula Malalaok Hehelu Palak Ma Hehelu Beuk

²¹ Manetualain namanene dede'ak ndia boema namansa, de Ana sapu-na anan-nala nenik ha'i; nasa-melun soaneu anan-nala, boetai namatuak-ka,

MAZMUR 78:21 Referans Kwoze

YUDAS 1:5

Basa sila la, emi bubulu kasa so. Tehu au nau fe seluk emi nasa nene'dak la'eneu, tao leo beek de Amak Manetualain soi-tefa na hataholi Israe la leme dae Masir a mai, tehu makabui na, hataholi Israel bee, ta namahele fa soona, Ana huku nisas.

1 KORINTUS 10:11

Ala hapu basa manda'dik sila la, fo ela ana da'di natutu'duk esa soaneu hataholi fe'e kala. Ala sulak ela basa dede'ak sila la, fo ela ana da'di nasanene'dak esa soaneu ita, nana ita taso'da nai le'do fai mate'e ka nde ia so.

IBRANI 12:29

Nana ita Manetualain ndia, sama leo ha'i fo manahotu naputu ka.

1 KORINTUS 10:5

Leomae leondiak boe, sila ba'u ka, Manetualain ta hii fas, hu ndia de mates de popola nala lalefule'ak nai mo solokae ka.

MAZMUR 78:31

Manetualain namanasa, de Ana la'ban-nasa; Ana taonisa hataholi Israel muli-soluk fo, ao makadelek-kala.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

BILANGAN 11:10

Musa namanene hataholi Israel sila-la beemumu, boema lapadeik bubua-bubuak-kala nai sila lalaa ofun-na, lelesu bafan-na. Boema Manetualain nasan-na lua ponu-ponu, nalosa Musa name'da dalen-na he'dis-sa.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.