MAZMUR 76:7 - Susula Malalaok Hehelu Palak Ma Hehelu Beuk

⁷ Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

MAZMUR 76:7 Referans Kwoze

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

NINITAK 14:7

Ata nusa so'dak ndia nalo bou-bou napane'e nae, “Bii neu Manetualain leona, ma koa-kio matua-mademan! Nana fai na losa soaneu Manetualain naketu-nala'di hataholi daebafa ka so. Sene-do'ok neu Ndia fo mana makadada'dik lalai a, daebafa ka, tasi a ma basa oemata lala'ena!”

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MAZMUR 130:3

Metema, O mafandele ami sala-singom nakandoo soona, ou Manetualain, see kande, hapu nakatatakak-ka?

MAZMUR 90:11

See kande nalelak O nasa-melu matuainam-ma, ma name'da te'e-te'e no, O nasa-melum-ma, nenenin-na?

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

1 TAWARIKH 16:25

Nana Manetualain matuaina ma nanakoa-nanakiok nanseli; Ndia muse nanabii-namata'uk lena neme basa lamatua daebafak lala'en-na mai.

KELUARAN 15:1

Boema Musa no hataholi Israel-la lakamee nakameek-ka nde ia, soaneu ala koa-kio Manetualain nae, “Au nau akamee soaneu Manetualain, nana Ana sengi no namahoko-setelek so. Ana tapa basa ndala-la loo hataholi manasa'en-nala, leo tasi dale leu.

KELUARAN 15:4

Ana tapa solda'du Masir-rala loo kaletan-nala, leo tasi dale leu. Malanga solda'du matuaina, fo mabe'i-balakaik nanseli-la, ala bolo lai Tasi Gelagah dalek.