MAZMUR 73:25 - Susula Malalaok Hehelu Palak Ma Hehelu Beuk

²⁵ See kande, au anuun nai nusa so'dak-ka, fe'ek neme O mai? Fe'ek neme O mai, ta hapu hata fo, au ahiik-kana nai daebafak-ka.

MAZMUR 73:25 Referans Kwoze

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

MAZMUR 16:2

Au afa'da ae, “O nde au Manetualaing-nga, au ua-naleng-nga, ta hapu hata esa boen, fo lena heni O fa!”

MAZMUR 63:3

Nemen-na, fo au mete O, nai O Umam, fo au ita O be'i-balakaim, ma O matua-mademam.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

MATEOS 10:37

Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

MAZMUR 104:34

Ela leo bee-na, au nakameeng-nga, nandaa no dalen-na, nana Ndia nde tao nanahoko au daleng-nga.

MAZMUR 37:4

Sanga o tetu-temam nai Manetualain, neukose Ana tao natetu o dale hihiim-ma.

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

MAZMUR 43:4

Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.

MATEOS 5:8

Maua-manalek neu hataholi fo dale na malalaok; nanahu neukose lalelak Manetualain.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga