MAZMUR 73:14 - Susula Malalaok Hehelu Palak Ma Hehelu Beuk

¹⁴ Nana nai fai katemak esa dalen-na, ua-nale ta malole-a, tuni-na au; tunga-tunga fafain-na, au nanafepa-li'uk.

MAZMUR 73:14 Referans Kwoze

IBRANI 12:5

Ma boso mafandele heni Manetualain nanoli-nafa'dan ia, fo nanafek neu emi da'dileo Ndia ana nala Nae leo'na: “Au ana ngonei, taoafik matalolole Lamatua ka nanoli nala, ma dale ma boso ba'ihana, metema Ana namanasa emi.

MAZMUR 94:12

Ou Manetualain, maua-manalek ba'eneu hataholi fo O manolin, hataholi fo, O manolin O hoholo-lalanem-mala.

1 PETRUS 1:6

Hu ndia de, ela leo bee na emi mamahoko, leomae besak ia, soaneu fai nggenggelok esa mesa kana, emi dale ma muse he'di sa, nanahu emi la'oladi soso'ba-susu'di mata-mata kala.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

YEREMIA 15:18

Tao le'e de ka'da au doi-doso ahele? Tao le'e de au bisung-nga matuina ma ana ta hapu hai fa? Ade O dudu'a mae taom-ma au daleng-nga ba'ihana sama leo lea da'di tuk nai fai hanan-na?”

MAZMUR 34:19

Manetualain deka no, hataholi dale manaba'ihanak-ka; Ana soi-tefa-na hataholi fo, ketu namahehenan-na.

AYUB 10:17

O hela sakasii tataas esa, fo la'ban au; ma O nasa-melum, boetai namatuak-ka, soaneu au. O madenu solda'du beuk-kala, fo ala sapu-la au, ma latee-lata'ti loo au.

AYUB 10:3

Hapu nanalak hata, metema O tuni-ndeni leoiak, de O tu'u-tapa heni, O ue-le'dim buna-boan? Hapu nanalak hata, metema O sipok hataholi mangalauk-kala, hahapun, ma dale tutu'un-nala?

AYUB 7:18

Tunga-tunga fafain-na, O palisak besa-besa moon, ma O folan tunga faik.