MAZMUR 68:18 - Susula Malalaok Hehelu Palak Ma Hehelu Beuk

¹⁸ No kaleta matea-mahelek lifu-lifuk-kala, Manetualain mai nai sila tala'da nai matua-mademan-na dalek.

MAZMUR 68:18 Referans Kwoze

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

HAKIM-HAKIM 5:12

Fo'a leon Debora, fo so'uk nakameek. Fo'a leon Barak, fo lele'a-loloso hataholi nanahukuk-kala!

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.

HATAHOLI 2:4

Tutika Manetualain Dula Dale na koasa nalas de ala mulai kokolak linik dede'a fe'ek mata-mata kala. Ala kokolak tunga hata fo Dula Dale ka, ana fes ala kokola kana.

YOHANIS 16:7

Tehu Au afa'da emi no ndoos te, metema Au u soona, ndia nde malole soaneu emi, nanahu metema Au ta u fa soona, neukose Mana Tulu-Fali ndia, ana ta mai neu emi fa. Tehu metema Au u soona, neukose Au adenun fo Ana mai leo emi mai.

YOHANIS 14:23

Boema Yesus nae, “Hataholi mana sue-lai Au a, neukose ana tunga Au nanoli nga fo Au Amang sue-lai hataholi ndia. Neukose Ama ka, ma Au mai leo hataholi ndia fo ami leo makabubua mon.

MAZMUR 110:1

Dauk Kokoa-kikiok. Manetualain nafa'da, au tuang-nga nae, “Mangatuuk mai Au boboa konang-nga, losa Au tao-ala o musum-mala, lakatele neu o.”

MAZMUR 47:5

Ana hele fe ita, ita dae pusakan-na, dale namatuak ba'eneu leoina fo Ana sue-lain.

MAZMUR 24:3

See kande, ana bole kae leo Manetualain Pupukun lain neu ma neu leo Uman dale neu?

KOLOSE 2:9

Nanahu basa Manetualain ha'da-tataon lala'e na, hapun nai Kristu sao paa hataholi daebafa na dalek.

MAZMUR 78:60

Ana la'oela lalaa teman mania Silo, fo mamana leleon manai hataholi daebafak-ka tala'da.

KOLOSE 2:3

Kristus nde soi nabe'i Manetualain manatee tenon ma malelan lala'ena, fo makahulu na, nananafunik ndia.

ROMA 5:8

Tehu Manetualain natu'du susue-lalain neu ita, nai lelek fo ita bei hataholi masala-masingo ka, nai leek ndia, Kristus mate soaneu ita.

2TAWARIKH 6:18

Tehu, ou Manetualain, tete'ek-ka O nau leo nai daebafak ia fo nai hataholi daebafak-ka tala'da do? Basa lalai-a lala'en-na boeo, loloan-na ta dai soaneu O fa, mudahata no uma mamaso-kakasi fo au afofo'ak ia bai!

NINITAK 1:20

Ia nde bibila-babaak neme nduu kahituk fo o mitas nai au lima kona nga, ma neme banu ei lilopila kahituk sila la. Nduu kahituk sila la nde, salani kahitu kala ata nusa so'da nala, ma banu ei kahituk sila la nde bee na nde salani kahituk sila la.”

IBRANI 8:1

Basa hala kokolak ia la lala'e na, huu na nde ia: Ita tanuu Imam Matua Ina fo leondia ka nangatuuk paleta sama-sama no Manetualain, fo Mana Koasa matua ina nai nusa so'da ka.

IBRANI 6:20

Yesus oti basa enok leo mamanak ndia soaneu ita, ma Ana masok basa leo naa neu fo Ana da'di ita Imam Matua Inan losa dodoo na, sama leo Imam Melkisede ka.

IBRANI 4:14

Hu ndia de, ita muse ho'u tahehele neu ita manaku namahele ka. Nanahu ita tanuu Imam Matua ina esa, ba'u na seli, fo Ana masok basa losa leo Manetualain mata na neu so. Ndia nde Yesus, fo Manetualain Ana na.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

HATAHOLI 9:17

Boema Ananias neu leo uma ndia neu de ana lalaa lima na neu Saulus langan lain. Nafa'dan nae, “Tolanoo Saulus, Lamatuak Yesus fo tolanoo ka mitan neme eno tala'dak nai lelek fo tolano ka leo ia mai a, Ndia nde nadenu au mai fo daenga o mita falik, ma Manetualain Dula Dale na koasa na tolanoo ka.”

HATAHOLI 2:23

Manetualain naketu basa nae, Ana fe emi Yesus fo dede'ak ndia nandaa no dale tutu'u na. Tehu nai lelek fo Ana fen mai, boema emi taomisan, nana emi po'ilotak hataholi mangalau kala, ala lona nggange lisan.

LUKAS 24:51

Yesus bei fes baba'e-papalak te nanaso'uk leo nusa so'da ka neu, boema nasi'da-naba'e nos.

LUKAS 24:49

Ma neukose Au nde haitua fe emi hata fo Au Ama nga helu basa ka so. Tehu emi muse mahani mahele nai kota ia, losa koasa maneme Manetualain mai a, ana poti na emi.”

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

MARKUS 16:9

Yesus naso'da falik basa neme mamate sa mai boema, mamasok fafaiana na natu'du aoina na makasososa neu Maria Magdalena. Yesus kaluaheni hai, dula dale mangalauk hitu neme Maria ndia aon dale mai so.

MATEOS 9:13

Palisak matalolole Susula Malalao ka lalane na nde ia nae: ‘Au hii ka nde susue-lalai ka, te ta nde bana-manu tutunu-hohotu ka fa.’ Nanahu Au ta mai alo hataholi fo nafa'da nae ndia hataholi malole so, te Au mai neu hataholi fo lafa'da lae, hataholi ta malole fa.”

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

MAZMUR 7:7

Fo'a leon nai O nasa-melum dale, ou Manetualain, fo la'ban au musung-ngala, nasa-melun. Fo'a leona, fo tulu-fali au, nana O nau ka'da ndoos ma matetuk.

ULANGAN 33:2

“Manetualain Ana mai neme Letek Sinai mai; Ana tii nai Edom lain, sama leo le'do-a, ma neme Letek Paran-na mai, de nasalaa-na anan-nala. Ata nusa so'dak, lifun sanahulu, ala mai sama-sama loon; ma ha'i pila nai boboa konan-na.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.