MAZMUR 57:5 - Susula Malalaok Hehelu Palak Ma Hehelu Beuk

⁵ Musu-a nakahapi-na au, sila sama leo singa mana'a hataholi. Nisin-nala, sama leo tee ma kou-kou isik-ka, maan-nala sama leo tafaina matane.

MAZMUR 57:5 Referans Kwoze

HABAKUK 2:14

Tehu sama leo oe henu tasi-a, leondiak boe daebafak-ka, neukose henuk no malelak la'eneu Manetualain, ma koasan-na.

YESAYA 6:3

Esa naloo bou-bou neu esa nae, “Malalao-malalafuk, Malalao-malalafuk, Malalao-malalafuk. Manetualain Fo Manakoasa, malalao-malalafuk. Daebafak-ka, henuk no mandela-masa'an.”

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

BILANGAN 14:21

Tehu Au aheluk inik Au aoinang-nga, ma nenik Au fo maso'dak, ma manakoasan-nai daebafak ia,

MAZMUR 57:11

Nana O susue-lalaim matuaina, losa leo lalai neu, ma O lilinekam losa leo ko'as-sa neu.

HABAKUK 3:3

O Manetualain Fo Malalao-malalafuk nanseli, mai neme Téman mai O mai meme letelepa Paran mai. O matua-mademam poti-na lalai; daebafak-ka henuk no kokoa-kikiok ba'eneu O.

MAZMUR 148:13

Malole lenak, sila basa-basas koa-kio Manetualain na'den-na, nana na'den-na, matua-madema lena heni basa na'dek lala'ena; matua-mademan, dema lena lalai ma daebafak-ka.

MAZMUR 8:1

Soaneu mauli-malanga nakameek. Tunga Gitit nakameen-na. Dauk Kokoa-kikiok.

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

YESAYA 12:4

Neukose fain-na losa, emi mafa'da mae, “Moke makasi neu Manetualain, ma sene-do'ok neun. Tui-benga Manetualain matua-mademan ma tatao-nono'in neu leoina-la.

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

MAZMUR 21:13

Neukose ana kou kokou isin-na, nalosa ala lepos lasafali, fo lalai.

1 TAWARIKH 29:1

Boema Dauk nafa'da basa hataholi manamakabubuak lai sila-la nae, “Neme basa au anamaneng-nala mai te, Manetualain helek-ka nde Salomo. Tehu Salomo bei muli-soluk nanseli ma malelan-na beita dai fa, te se'kona tatao-nono'ik ia ba'un-na seli. Basa bai te, nananafofo'ak ia ta uma manek soaneu hataholi daebafak fa, tehu uma soaneu Manetualain.

MAZMUR 59:8

Ala kokolak holo lakandoo, ma lakamumulu-lakamamaek; hala-kokolan-nala matane sama leo tafaina, laedaenga, ta hapu hataholi namanene fa.

MAZMUR 64:4

Ala taola maan-nala, namatane sama leo tafaina tanen-na, ma ala tapa dede'a-kokolak, fo ta pake ha'da hataholik fa soona nasan-na, sama leo kokou isik-ka.

AMSAL 12:18

Kokola huu-pe'da taak-ka, bisa nakahehe'dik hataholi dalen, sama leo tafaina paun; tehu dede'a-kokolak manatee-tenok-ka, nono'kabai mo'do-akidook fo nakahahaik.

AMSAL 30:14

Hapu hataholi nggelok sanga so'dan-na, nenik tatao-nono'ik, fo dale hataholin ta; hataholi sila, mangalaun-na seli, ma lakatutu'dak hataholi nuu-taa hata-taak-ka, ma hataholi tapandoes-sa.