MAZMUR 50:15 - Susula Malalaok Hehelu Palak Ma Hehelu Beuk

¹⁵ Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 50:15 Referans Kwoze

MAZMUR 107:28

Nai sila susan-na dalek, laloo bou-bou neu Manetualain, de Ana soi-po'is leme makase'ek-ka dalek mai.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

MAZMUR 107:19

Nai susa dalek, ala laloo bou-bou neu Manetualain de Ana soi-po'is, leme makase'ek-ka dalek mai.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

MAZMUR 81:7

“Au so'uheni lelepa mabela neme emi alum lain mai so, ma se'iheni olik-ka neme emi limam-ma mai.

YAKOBIS 5:13

Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.

LUKAS 22:44

Yesus dale na susa nanseli, nalosa Ana boetai te'e-te'e hule-haladoi. Puse na sama leo daa ka, ana titi leo dae lain neu.

AYUB 22:27

Metema, o hule-haladoi soona, neukose nataa o, ma o bisa tao matetu basa o hehelu-balataam lala'en-na.

HATAHOLI 16:25

Fafa'kama fatila'da boema, Paulus no Barnabas hule-haladoi ma lakamee koa-kio Manetualain. Hataholi nanahuku fe'e kala lamanene duas lakamee.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

YOHANIS 15:8

Metema emi maboa ba'u ka, soona Au Ama nga nananamatutua-namadedemak, fo no enok leondia ka, te'e-te'e emi da'di Au ana manatunga ngala.

MAZMUR 77:2

Au aloo bou-bou no hala napane'ek neu Manetualain; au aloo bou-bou no hala napane'ek, de namanene au.

MAZMUR 22:23

Neukose au tui O tatao-nono'im neu au tolanoong-ngala; nai O anam-mala nakabubuan-na dalek, au koa-kio O.

1 PETRUS 4:14

Emi maua-manale, metema emi nananakamumulu-nakamamaek, nanahu Kristu sana mana tungan emi. Dede'ak ndia sosoa na nae, Dula Dale mamalaok fo nde Manetualain Dula dale na, nai emi dalem dale.

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.

HAKIM-HAKIM 15:19

Boema, Manetualain soi bolok nai pupuku batu manai Lehi ndia, de oe kalua neme bolok ndia mai. Simson ninu, de basa boema, name'da aon-na malole falik. Hu ndia de, loke oemata ndia lae Oemata Hakor. Oemata ndia bei nai Lehi.

2RAJA-RAJA 20:2

Boema, Hizkia lepos leo papala nanadamak-ka neu, de ana hule-haladoi nae,

2TAWARIKH 20:9

lae metema sila hapu huhuku-dodokik nanahu sila sala-singo-nala, ma natee-natatik, he'di-laus, do la'andoes tuni-ndeni nalas soona, ala mai neu O fo lapadeik leu uma mamaso-kasasi ia matan-na. Nai sila toto'a-sosota-na dalek, sila hapu hule-haladoi neu O, ma neukose O mamanene ma O tulu-falis.

MAZMUR 4:2

Ou Manetualain, O nde bee-na, au mana masala'eng-nga; metema, au aloo bou-bou soona, mataa leona. Lelek au susa, O tulu-fali au; besak ia, sue-lai au, ma mamanene au huhule-haladoing.

MAZMUR 34:5

Au hule-haladoi neu Manetualain de Ana nataa, boema Ana soi-po'i au neme bibii-namata'uk lala'ena mai.

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

MAZMUR 77:3

Nai fai toto'a-tataak-ka, au hule-haladoi neu Manetualain; le'odae katemak esa dalen-na, au so'uk au limang-nga neun no ta sota-mangu fa, tehu au daleng-nga, ta nau nanakokoe-nanasik fa.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

MAZMUR 86:7

Nai fai makase'ek-ka, au hule-haladoi neu O, nana O mataa au.

MAZMUR 120:1

Nakamee dodonge-dadamak. Nai au susang-nga dalek, au aloo bou-bou neu Manetualain, de nataa au.

YEREMIA 39:17

Tehu Au, Manetualain, neukose asulu-ahapa o. Neukose o nanafe tak leo hataholi-hataholi fo o bii-mamata'uk-kala.