MAZMUR 49:14 - Susula Malalaok Hehelu Palak Ma Hehelu Beuk

¹⁴ Hataholi fo, nasalai dean-na neu aoinan-na, ua-nalen leondiak, ma hataholi fo name'da hala-kokolan dai soa, maso'dan nai fai manamaik-ka leondiak boe.

MAZMUR 49:14 Referans Kwoze

MALEAKHI 4:3

Nai faik ndia, neukose Au aketu-ala'di, ma neukose emi sengi hataholi mangalauk-ka, nalosa sila sama leo daesopu ka fo emi heheta-aa'in.

1 KORINTUS 6:2

Ade emi ta bubuluk neukose Manetualain hataholi kamahehele nala nde laketu-lala'di daebafak ia fa do? Da'di metema memak neukose emi nde maketu-mala'di daebafak ia soona, ade emi ta maketu-mala'di mabe'i dede'a sosoa-ndandaa tak sila la fa do?

DANIAL 7:22

Basa boema, Ndia fo so'dan-na manaketu basa tak ndia Ana mai, boema Ana fe nakeketuk de Ana fe ndoos neu Manetualain Fo Mademaina anan-nala. Fain-na losa ala sipo koasa, soaneu ala paleta.

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

ROMA 8:36

Nai Susula Malalaok dale nanasulak nae leoia, “Fai katemak esa ami maso'da nai susa-soe mamate sa dalek nanahu O. Ala tao ami sama leo bi'ilopo fo sanga do'don.”

LUKAS 22:30

No enok ndia emi boeo tunga mamahoko-setelee mo Au, nai lelek Au da'di Mane ka. Ma neukose emi mangatuuk nai kandela manek kasanahulu dua kala lain, soaneu paleta Israel leoina kasanahulu dua nala!”

DANIAL 7:18

Tehu Manetualain Fo Mademaina, anan-nala neukose sipo hak soaneu paleta ma paletan-nala neukose lakatatakak losa dodoon-na.”

MAZMUR 39:11

Ho'i-ma O huhukum-ma neme au mai, nana au hihii mate, nanahu O fefepam-ma.

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

YEREMIA 12:3

Ou Manetualain, tehu O malelak au. O mita beek-ka fo au tao-no'ik-ka, ma o bubuluk au dale maedaenga tao leo beek soaneu O. Tipa-soli hataholi-hataholi mangalauk sila la leo deak neu, menis sama leo bi'i lopo-a leo mamana dodo'dok-ka neu. Maneas losa fain-na losa soaneu sila nana do'dok.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

MAZMUR 47:3

Nana Manetualain Fo Mademaina nde been-na, anseli nanseli, Mane Matua-madema fo manakoasa daebafak-ka lala'ena.

MAZMUR 44:11

O po'ilotak ami malai neme ami musum-ma mai, de ala kalo leni ami hata-hetom-mala.

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

AYUB 21:26

Tehu, nai lates dale soona, lakandondoo sama-sama; ulek-kala ma kalatik-kala lakamomotu-lalas.

AYUB 21:13

Labasa le'do-fain-nala, nai namahoko-seteleek-ka dalek, ma mates no mole-dame.

AYUB 4:21

Soona, mopo la'iesak hata-heton lala'en-na; ma maten no, ana ta hapu ha'da-palii malole fa.’