MAZMUR 48:3 - Susula Malalaok Hehelu Palak Ma Hehelu Beuk

³ Sion, fo Manetualain pupukun-na, namadema mana'ahiik, Mane Matua-madema kotan-na, tao namahoko daebafak-ka lala'ena.

MAZMUR 48:3 Referans Kwoze

MAZMUR 125:1

Nakamee dodonge-dadamak. Hataholi fo, namahele neu Manetualain nde bee-na, sama leo Pupuku Sion fo, matea-mahelek de ta nanggengo fa, ma nakatatakak losa dodoon-na.

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

2TAWARIKH 12:7

Lelek fo Manetualain nita nae lakaloe-lakadae aoina-nala boema, Ana kokolak seluk no Semaya, nae, “Hu kande ala manaku sila sala-singon-nala, de neukose Au ta tao amopo-amates so'on. Neukose no lai-laik Au soi-tefa-alas; neukose Yerusalem ta nakalulutuk fa. Leomae leondiak boe, neukose

2 SEMUEL 5:7

Boema, Dauk nafa'da solda'dun-nala nae, “Ade, hapu hataholi nai ia, nape'da dale nasak hataholi Yebus-sala, sama leo au ta ahiik-kasa boen do? Ta nahiik-kasa dai so, nalosa nahiik nanseli taonisas do? Metema leondiak soona, ata masok tunga oe lolok dale, fo ata sapu-ta, hataholi ei helak-kala ma hataholi pokek fo au ta ahiik-kasa sila fa.” (Hu ndia de, hataholi-la lafa'da lae, “Hataholi pokek ma hataholi ei helak, ta bole masok Manetualain Uman-na fa.”) Dauk hapu loso-na kota musu Sion-na, de nangatuu-nan. Ana foin na'de, “Kota Dauk” Kota ndia, napadeik nai kota musu ndia boboa kaisun, mulai neme pupukuk fo po'a lamademan nenik dae-a, boboan dulu.

MAZMUR 50:2

Neme Sion, kota fo mana'ahiik nanseli, Manetualain to'da mai no nandela-nasa'a.

MAZMUR 135:21

Koa-kio Manetualain nai Sion, ma nai Yerusalem, fo mamana leleon-na. Koa-kio Manetualain leona!

KIDUNG AGUNG 6:4

O mata makeek fa'ding-ngo makeen-na sama no kota Yerusalem-ma mana'a hiin-na sama no kota Tirzah-sa. O mata makeem-ma anseli, sama leo solda'du-la loo dedeo matua-mademan-nala.

RATAPAN 2:15

Basa hataholi manala'ok tunga ndia, hakinonoli o, nanahu nakalulutuk basa o lala'en-na so. Lakakale langa ma lafa'da lae, “Ade, ndia ta nde kota mana'ahiik nanseli, kota fo daebafak-ka namatutua-namadedeman do?”