MAZMUR 48:2 - Susula Malalaok Hehelu Palak Ma Hehelu Beuk

² Tete'ek-ka, Manetualain matua-madema, ma nanakoa-nanakiok nanseli nai ita Manetualain kotan-na, nai pupuku malalao-malalafuk-ka.

MAZMUR 48:2 Referans Kwoze

MAZMUR 50:2

Neme Sion, kota fo mana'ahiik nanseli, Manetualain to'da mai no nandela-nasa'a.

MATEOS 5:35

do soo-supa minik daebafa ka, nana daebafa ka nde bee na Manetualain ta'bu ei na nde ndia; do ana soo-supa minik Yerusalem na'de na, nanahu ndia nde kota Manek matua ina.

RATAPAN 2:15

Basa hataholi manala'ok tunga ndia, hakinonoli o, nanahu nakalulutuk basa o lala'en-na so. Lakakale langa ma lafa'da lae, “Ade, ndia ta nde kota mana'ahiik nanseli, kota fo daebafak-ka namatutua-namadedeman do?”

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

YESAYA 14:13

O maketu basa nai o dalem dale, kae leo lalai muu, fo o pe'da o kandela manem-ma, neu nduuk mademaina lain! O maedaenga o hapu mangatuuk da'di leo manek nai letek kii lain, fo lamatua daebafak-kala mamana nakabubuan-na.

DANIAL 11:16

Manek nusa kii ndia, neukose ana tao tunga ka'da dale hihiin-na, te ala ta la'ban-nana faa anak boen. Neukose nangatuu-na dae maoe-maisik-ka, fo ana koasa la'iesak-kana.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.

MALEAKHI 1:14

Soo-supak be'eneu manake'di-ndiuk, fo ana tunu-hotu fe Au bana beli tak, metema bei hapu bana neulauk nai banan-nala dalek, fo ana helu basa, ana fen neu Au so! Nana Au nde Mane Matua-madema, ma nanafe ha'da-holo mata neme basa leoina-la mai.”

DANIAL 8:9

Susula anak esa moli neme susulak sila-la esa mai, boema ana da'di matuaina nanseli, de koasan-na namaloa leo kona, leo dulu ma leo dae fo maoe-maisik-ka neu.

YESAYA 66:10

Mamahoko-setelee sama-sama mo Yerusalem leona, hai basa hataholi fo, manasue-lain-nana. Emi fo manasusak-kala, nanahu ndia, besak ia, bole mamahoko-setelee.

MALEAKHI 3:12

Soona, neukose basa leoina-la lafa'da lae, emi maua-manale, nana emi nusam-ma da'di mamana malole, soaneu leo-napalasan.”

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

MAZMUR 76:2

Manetualain nananita-nalelak nai Yehuda; na'den-na nanakoa-nanakiok nai Israel.

MAZMUR 87:3

Mamanene leon, hai Manetualain kotan-na, nafa'da dede'a matuaina-la, la'eneu o nae:

MAZMUR 99:9

So'uk mamadema ita Aman Manetualain, ma sene-do'ok-kana, nai pupukun fo malalao-malalafuk-ka, nana ita Aman Manetualain, malalao-malalafuk.

MAZMUR 135:21

Koa-kio Manetualain nai Sion, ma nai Yerusalem, fo mamana leleon-na. Koa-kio Manetualain leona!

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”