MAZMUR 45:7 - Susula Malalaok Hehelu Palak Ma Hehelu Beuk

⁷ Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

MAZMUR 45:7 Referans Kwoze

IBRANI 1:9

O nau tunga matetu na, ma O mamanasa tipu-dai ka; Hu ndia de Au, O Manetualai ma, Ana hele O, Ma Ana fe O ha'da-holomata fo nini namahokok, lenaheni O nonoo mala.”

MAZMUR 21:6

Hu kande O tutulu-fafalim, de ana da'di hataholi nanafe ha'da-holomata nanseli, O taom-man da'di nananita-nalelak, ma na'den-na naboomeni.

MAZMUR 33:5

Ana sue-lai ndoos ma matetuk-ka; basa daebafak-ka lala'ena, henuk no susue-lalain.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

HATAHOLI 2:28

O matu'du basa au, enok mana leo so'da matetu ka neu so. Au amahoko anseli, nanahu O sama-sama mo au.’

YOHANIS 3:34

Hu ka nde hataholi fo Manetualain nadenun fo ana tui-benga Manetualain dede'a-kokola na, Manetualain fe la'iesak Dula Dale na neu hataholi ndia so.

MAZMUR 101:8

Neme faik leo faik neu, neukose au tao amopo-amate, hataholi manatao tatao-nono'i mangalauk-kala, nai nusak ia. Basa hataholi manatao tatao-nono'i manalauk-kala, neukose au tao amopo-amates leme Manetualain kotan-na mai.

YOHANIS 1:16

Hataholi ndia henuk no susue-lalai ka; susue-lalain manaketu basa tak. Ana ba'e-pala ita.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

ROMA 8:29

Hataholi fo Manetualain hele basa kala, naketu basan neme makasososa na mai a, hataholi sila sama leo Ana na, fo nde Yesus Kristus. No enok ndia de, Anak ndia, nde da'di puleuluk neu basa tolanoo kala lala'ena.

MAZMUR 89:26

Neukose Au tao amaloa nusan-na, neme Tasi Tala'dak losa Lee Efrat-ta.

MAZMUR 89:20

Makahulun eli, fo nai ninitak esa dalek, O mafa'da neu O atam fo, manalilinekak mae, “Au tulu-fali basa palani tatibatu esa so, Au hele hataholi esa neme laun-na mai, de Au tao amadedeman so.

MAZMUR 11:7

Nana Manetualain malole, ma ndoos ma matetuk, Ana sue-lai hataholi manatao tatao-nono'i malole-a; hataholi dale ndoos-sa, neukose nita ma nalelak Manetualain.

LUKAS 3:22

boema Manetualain Dula Dale na kona neu lain, nalupa manupui kalua. Boema Manetualain hala na nananamanenek nafa'da nae, “O nde Au Anang fo Au susue-lalai ka. O tao mamahoko Au dale nga.”

MATEOS 3:15

Tehu Yesus nae, “Neme na fo basa sila lala'ena, ala da'di. Nanahu no enok ndia de, ita tao tatetu Manetualain hii-nanaun.” Boema Yohanis salani Yesus leona.

MAZMUR 2:2

Mane daebafak-kala, fo'a landaa ma basa manakoasa-la, lakabubua fo lalahalak la'ban Manetualain no Ana hele manek-ka.

1RAJA-RAJA 19:16

Tao leondiak boe neu Yehu fo Nimsi anan-na, fo ela ana da'di mane Israel, ma neu Elisa fo Safat neme Abel-Mehola anan-na, fo ela ana da'di nabi nggati o.

IMAMAT 8:12

Basa ndia boema, Musa ndo ei Harun, nenik ana po'a mina feta faaanak leo Harun langan lain neu.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

IBRANI 2:14

Hu ndia de, basa hataholi fo noken nae anak ndia, nde bee na mahahae hataholi daebafak fo hapu maten, soona Yesus mesa kana sama hataholi sila, ma leo naso'da nai ha'da-tatao hataholi daebafa ka dalek. Ana tao leondiak, fo ela no mamate na, Ana hapu tao nakalulutuk Nitu fo mana koasa mamate sa.

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

LUKAS 13:27

Tehu Tuan ndia neukose nafa'da seluk nae, ‘Au ta bubuluk emi meme bee mai fa. La'o meme ia, hai emi fo hataholi mangalau kala lemin!’

MATEOS 7:23

Soona neukose Au ataa ae, ‘Au ta alelak emi makandondook fa! La'o madook ia, hei hataholi mana tao-no'i mangau kala lemin!’ ”

SEMUEL SUSULAK-KA ESAN-NA 16:13

No lai-laik, Semuel ho'in-na mina setun ndia, de ana ndo ei Dauk, nenik ana lose mina neun, nai ka'an-nala matan. Nai hatematak ndia boe, Manetualain Duladalen-na koasa-na Dauk. Mulai neme faik ndia mai, Manetualain Duladalen-na sama-sama non tataas esa. Basa boema, Semuel fali ne'un leo Rama neu.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.