MAZMUR 45:6 - Susula Malalaok Hehelu Palak Ma Hehelu Beuk

⁶ O kou-kou isi matanem-ma, ana tola o musum-ma bade'en-na, leoina-na tu'u leu nai o ei tata'bu daem-ma.

MAZMUR 45:6 Referans Kwoze

MAZMUR 93:2

O kandela manem-ma, matea-mahelek neme makasososan-na mai, O manaketu-basa tak.

YOHANIS 1:1

Nai makasososa na, fo daebafa ka beita da'di fa te, dede'a kokola ka nai ndia so. Dede'a kokola ka nakabubua no Manetualain. Ma dede'a kokola ka sama no Manetualain.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

MAZMUR 145:13

O paletam-ma nahele neme tepo-lelek leo tepo-lelek neu, O koasam-ma, neme bobongik leo bobongik neu. Manetualain lilineka neu basa hehelu-balataan lala'ena, henuk no susue-lalaik, nai basa tatao-nono'in-na dalek.

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

MAZMUR 89:29

Neukose Au sue-lai ahelen, neme doon losa dodoo-na, Au hehelu-balataang, matea-mahelek ba'eneun

MAZMUR 98:9

Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.

2 SEMUEL 23:4

Ndia sama leo dulufula nai fai lolebalahaan-na, nai lelek lalai-a namaneu Ndia sama leo le'do nahaa nai lelek u'dan-na hai ana taon-na na'u momo'dok-ka nandela-nasa'a.”

BILANGAN 24:8

Manetualain nde nos kalua leme Masir mai, Ana natee-natati soaneus, sama leo sapi fuik-ka. Neukose Ana ko'do heni, leoina fo, manamusu loon-na, Ana tao nakalulutuk duin-nala, ma Ana helu la'di kokou isin-nala.

ULANGAN 32:42

Neukose, Au kou-kou ising-ngala, ladiu sila dan-na; Au taoisa basa manalena-la'ban Au-a, nenik Au tafainang-nga. Su'di see fo, ana lena-la'ban Au soona, au ta po'ilotak-kana fa; Hataholi nanahukuk, ma hataholi makahinak-kala, muse mate boe.