MAZMUR 44:22 - Susula Malalaok Hehelu Palak Ma Hehelu Beuk

²² tao leo bee-o, neukose Ana bubuluk-kana, nana Ana bubuluk dede'a nananafunik manai ami dalem dale-a.

MAZMUR 44:22 Referans Kwoze

ROMA 8:36

Nai Susula Malalaok dale nanasulak nae leoia, “Fai katemak esa ami maso'da nai susa-soe mamate sa dalek nanahu O. Ala tao ami sama leo bi'ilopo fo sanga do'don.”

YESAYA 53:7

Nanafepa-li'uk, no ta pake ha'da hataholik fa, tehu, ana lu'a-lepan no, hahae manalu. Ana ta buka bafan-na, sama leo leni bi'ilopoana leo mamana dodo'dok-ka neu, do nggute bi'ilopoina bulun-na.

MAZMUR 44:11

O po'ilotak ami malai neme ami musum-ma mai, de ala kalo leni ami hata-hetom-mala.

YOHANIS 15:21

Neukose ala tao emi leondiak, nanahu Au ana manatungang emi, hu ka nde ta lalelak Ndia fo manamadenu Au a fa.

1 KORINTUS 4:9

Nana tunga au hahapu nga soona, ami hataholi nadedenuk fo Manetualain nakadada'dik basa ami dadi leo buas esa, fo lanilun nai hataholi daebafa ka ma ata nusa so'da kala matan. Ami sama na leo hataholi matasi'da-matasaik, fo laketu hukulisan nai lea matan, fo daebafa ka hika-natadale ami.

1RAJA-RAJA 19:10

Elia nataa nae, “Ou Amak, Manetualain Fo Manakoasa, au aue-ale'di tataas esa ka'da soaneu O mesa ma. Tehu hataholi Israel-la la'olena sila hehelu-balataan neu O a. Ala ofeheni O mei tunu-hotu mala ma ala taolisa O nabi mala. Ela ka'da au mesang-nga, tehu besak ia, ala nau taolisa au!”

NINITAK 17:6

Boema au ita inak ndia mafuk hu ka nde Manetualain hataholi kamahehele nala daa na, hataholi fo nanataonisak nanahu ala lilineka neu Yesus. Lelek au ita inak ndia boema au bafang poo-poo.

KEJADIAN 18:15

Hu kande bibiik-ka, de Sara nalelesi nae, “Au ta hika fa.” Tehu Manetualain nataa nae, “Memak na'kasa o hika so.”

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!

MAZMUR 94:11

Manetualain bubuluk matalolole, hataholi daebafak-ka dudu'a-aafin, Ana bubuluk basa-basan manada'di tak.

MAZMUR 139:2

O bubuluk au tatao-nono'ing lala'ena; O malelak au dudu'a-aafing, neme dook-ka mai.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”