MAZMUR 43:2 - Susula Malalaok Hehelu Palak Ma Hehelu Beuk

² O nde Manetualain, fo au masulu-mahapang; tao le'e de, O la'oela au? Tao le'e de, au muse doi-doso akandoo hu kande au musung-ngala tuni-ndenin?

MAZMUR 43:2 Referans Kwoze

MAZMUR 42:9

Sa'di leo been-na, Manetualain natu'du susue-lalain nai fai lele'don-na fo ela nai fai le'odaen-na, au hapu akamee, ma hule-haladoi neu Manetualain fo au oemata maso'dang-nga.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

MAZMUR 94:14

Nana, neukose Manetualain ta la'oela anan-nala fa; ma Ana ta tapa heni pusakan-na fa.

MAZMUR 44:9

Hu ndia de, neukose ami koa-kio O tataas esa, ma ami moke makasi nakandondoo henin neu O.

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

MAZMUR 140:7

Ou Manetualain, au afa'da ae, Au Manetualaing-nga nde O, de taoafik neu au dokodoeng-nga leona.

MAZMUR 77:7

Nai fai le'odaen-na, au dudu'a-dodoo, ma au tane-tane nai au daleng dale ae,

MAZMUR 71:9

O boso tu'u-tapa heni au, nai au fai lasing-nga dalek, boso la'oela au, metema au be'i-balakaing ta so,

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

MAZMUR 31:4

Hei, O sama leo lete batu ma kota musu matea-mahelek ba'eneu au! Hela-nole au, nandaa no O hala hehelum-ma.

MAZMUR 42:10

Au afa'da Manetualain fo au manamasala'eng-nga ae, “Tao le'e de, O mafandele heni au? Tao le'e de, au muse doi-doso akandoo, hu kande au musung-ngala tuni-ndenin do?”

MAZMUR 88:15

Ou Manetualain, tao le'e de, O ta sipok au fa? Tao le'e de, O lepos O mata-panam neme au mai?