MAZMUR 42:10 - Susula Malalaok Hehelu Palak Ma Hehelu Beuk

¹⁰ Au afa'da Manetualain fo au manamasala'eng-nga ae, “Tao le'e de, O mafandele heni au? Tao le'e de, au muse doi-doso akandoo, hu kande au musung-ngala tuni-ndenin do?”

MAZMUR 42:10 Referans Kwoze

MAZMUR 42:3

Au ahiik Manetualain fo maso'dak, faihi'da au bole u sene-do'ok nai Uman-na?

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

LUKAS 2:35

Ma no enok ndia, tei-aten nanabukahenik. Ma neukose o mesa ma doidoso, nono'ka bai o dale ma nanapapauk ninik tafaina matane.”

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

AMSAL 12:18

Kokola huu-pe'da taak-ka, bisa nakahehe'dik hataholi dalen, sama leo tafaina paun; tehu dede'a-kokolak manatee-tenok-ka, nono'kabai mo'do-akidook fo nakahahaik.

MAZMUR 43:2

O nde Manetualain, fo au masulu-mahapang; tao le'e de, O la'oela au? Tao le'e de, au muse doi-doso akandoo hu kande au musung-ngala tuni-ndenin?

MAZMUR 55:4

Au daleng-nga ta tesa-tama fa, nanahu musu-a fe au nasanene'dak mahelek, ma hataholi mangalauk-ka tuni-ndenin. Nana ala tao lakatoto'a-lakatataak so'dang-nga, ma ala musu loo au no nasa-meluk.

RATAPAN 5:20

Masa bole O la'oela ami dodoo basa ndia? Ade, fafa'kama O mafandele heni ami nai tepo-lelek manalu ia do?