MAZMUR 41:9 - Susula Malalaok Hehelu Palak Ma Hehelu Beuk

⁹ Lafa'da lae, “He'din-na belak-ka nanseli, de ana ta bisa fo'a so'ok.”

MAZMUR 41:9 Referans Kwoze

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’

MATEOS 26:23

Boema Yesus nae, “Hataholi fo ana dope loti na leo mango dale sama-sama no Au a, hataholi ndia nde ke'dindiu Au.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

AYUB 19:19

Au tia-lai maloleng-ngala, mete au soona, ala malua; au sue-lai hataholi-la, ala la'oela au.

OBAJA 1:7

O nonoom manalook o-a, ala ke'di-ndiu o, de ala usi heni o neme o nusam-ma mai. O tia-laim-mala sengi o, ma hataholi manala'a lakabubua loo o-a, lakahihi'ik-la o. Ala beetane la'eneu o lae, ‘Besak ia, malelan lala'en-na nai bee?’

MIKHA 7:5

Boso mamahele neu emi uma titia-tataim, boso masalai deam-ma neu tia-laim. Besa-besa moo hala-kokolam, leomae hataholi mananamanenek-ka nde been-na, o saoinam-ma mesak-kana.

2 SEMUEL 15:12

Boema, Absalom bei tunu-hotu tutunu-hohotuk te, nadenu hataholi neu leo kota Gilo neu boe, fo naloo Ahitofel, fo Mane Dauk-ka hataholi manamanoli-mafa'dan esa. Leondiak, nakabua makahatuk, fo la'ban manek-ka ndia, boetai natea-nahele, ma hataholi manatunga Absalom-ma, boetai lamaba'uk-ka.

AYUB 19:13

Ana usi nadook heni, au tolanoo ka'a-fa'ding, neme au mai; de au da'di hataholi manamai, ba'eneu au hataholi nalelang-ngala.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.